Tasiilami toqutsineq pillugu suliaq: Aapparisaa ulluni 28-ni tigummigallagassaassasoq
Arnaq 41-nik ukiulik Tasiilameersoq angummik 48-nik ukiulimmik toqutsisimasutut pasineqarluni ulluni 28-ni tigummigallagassanngortinneqarpoq.
Eqqartuussisoqarfik Sermersuup tamanna aalajangeraa Kalaallit Nunaanni Politiit tusagassiuutinut nalunaarummi allapput.
AAMMA ATUARUK Angut toqungasoq Tasiilami nassaarineqartoq: Toqutsisoqarsimaneratut misissuisoqartoq
Angut 48-nik ukiulik Tasiilami Akitterni inissiani toqungasoq ataasinngornermi nassaarineqarpoq.
Sumiiffimmi takussutissat tunngavigalugit arnaq 41-nik ukiulik, toqutaasup aapparisaa toqutsisimasutut pasineqarpoq.
Pinngitsuunnginnerarnanilu pisuuneranngitsoq
Arnaq marlunngornermi ualikkut nalunaaqutaq pingasunut inatsit tunngaviusoq naapertorlugu killisiorneqarpoq.
Arnap ulluni 28-ni tigummigallarneqarnissaa unnerluussisussaatitaasut piumasaraat tamannalu eqqartuussiviup akueraa.
AAMMA ATUARUK Sermiligaami toqutsineq: 18-inik ukiulik januaarip 27-anut tigumigallarneqartoq
Arnaq piffissami matumani pinngitsuunnginneraranilu pisuuneranngilaq.
Danmarkimi pinerluttunik toqusunillu misissuisartut toqutsiffiusumi paasissutissanik toqusumillu misissuisussat aggersarneqartut, Kalaallit Nunaanni Politiit paasissutissiipput.
