Sermiligaami toqutsineq: 18-inik ukiulik januaarip 27-anut tigumigallarneqartoq
Angut 18-inik ukiulik Sermiligaami angummik 42-nik ukiulimmik toqutsisimasutut pasineqarluni januaarip aallaqqaataani tigusarineqarpoq.
Sermiligaami toqutsisoqarsimasinnaaneranik nalunaaruteqartoqareersorlu angut tigusarineqarpoq.
Angutillu tigusarineqartup tigummigallagaanerata ullunik 24-nik sivitsorneqarnissaa ullumi nalunaarutigineqarpoq.
- Pasineqartup taama sivisutigisumik tigummigallagaanissaanut tunngavissaqartoq, Eqqartuussisoqarfik Sermersuup nalilerpaa, politiini pigaartut pisortaat oqarpoq, tigummigallagaaneratali sivitsorneqarnissaanut tunngavigineqartut suuneri itinerusumik oqaaseqarfigiumanagit.
AAMMA ATUARUK Angut Sermiligaami toqutsisimasutut pasineqarluni tigusarineqartoq
Toqusunik misissuisartut Tasiilamukartinneqartut taassuma aamma oqaluttuaraa. Toqusunik misissuisartut Tasiilamut pingasunngorpat tikinnissaat, misissuinertillu tassani aallartissinnaassagaat, aamma oqaatigaa.
Toqusimasoq angullu 18-inik ukiulik ilaquttariittut attuumassuteqartut tusagassiuutinut siusinnerusukkut nalunaarutigineqarnikuuvoq.
