Tasiilami eqqaavissuaq ikuallattoq
Tasiilami eqqaavissuarmi ikuallattoqarpoq.
Kalaallit Nunaanni Politiit taama ilisimatitsipput.
Tasiilami eqqaavissuaq ikuallattoq sapaammi ualikkut nalunaaqutaq pingasut qaangerlugit tanneq ataasinngulersoq nalunaarutigineqarpoq, qatserisartullu qamisaaleruttorput. Jørgen Madsen, Kalaallit Nunaanni Politiit pigaartuisa pisortaat KNR-imut taama oqarpoq.
Tasiilami innuttaasut eqqaavissuarmut qanillattunnginnissaa politiit kaammattuutigaat.
Qanoq isilluni ikuallattoqalersimanersoq oqaatigineqarsinnaanngikkallarpoq.
Nunatsinni sumiiffinni assigiinngitsuni ikuallattoqarneranik tallimannglli pingajussaa nalunaarutigineqarpoq.
Qaqortup eqqaani pinngortitami nunap ikuallannera tallimanngormat unnukkut kalerriutigineqarpoq. Upernaviup eqqaani Aappilattumi illup ikuallannera arfininngornermi unnukkut aamma nalunaarutigineqarpoq. Aappilattumi illup ikuallanneranut atatillugu angut qulimiguulik atorlugu Upernaviup napparsimmavianukaanneqarpoq.
