Aappilattumi illu ikuallattoq: Angut napparsimmaviliaanneqartoq
Upernaviup eqqaani Aappilattumi illup ikuallanerata kingunerisaanik angut Upernavimmi napparsimmaviliaanneqartariaqarsimavoq.
Aappilattumi illu ikuallammat angut qulimiguulimmik Upernavimmi arfininngornermi unnukkut napparsimmaviliaanneqarpoq.
Allattoq Mads Lynge
aggustip 06-at 2023 13:28
Upernaviup pigisaani Aappilattumi illup ikuallannerata kingunerisaanik angut putsumik najuussuisimasutut annertunngitsumillu uutitersimanini pillugit, Upernavimmi napparsimmaviliaanneqartariaqarsimavoq.
Kalaallit Nunaanni Politiit pigaartuisa Ole Hald KNR-imut taama ilisimatitsivoq:
- Aappilattumi illup ikuallannera pillugu arfininngornermi unnukkut nalunaaqutaq arfineq-pingasunngorluinnalernerani kalerriutigineqarpoq, kommunefogedilu nunaqarfimmilu qatserisartut ornigullutik, Ole Hald oqarpoq,
Angut illumit annaanneqarsimasoq kingorna ilisimatitsissutigineqarpoq, illorlu nungungajavilluni ikuallalluni. Illu inunnik allanik ajoqusersimasunik inoqarsimanngilaq.
Illup ikuallalersimaneranut suna pissutaanersoq oqaatigineqarsinnaanngikkallarpoq.
