Tasiilami atuarfiup pisortaa: Ilinniartitsisussaaleqineq annertooq atuartitsinermut ajoqutaavoq
Ullumikkut Tasiilami Alivarpimmi ilinniartitsisunit 62-init pingajorarterutaat ilinniarsimanngitsuupput. Tassa imaappoq pingajorarterutaat ilinniartitsisutut ilinniarsimanngillat, taavalu pingajorarterutaat Danmarkimeerlutik.
Katillugit ilinniartitsisut ilinniarsimasut atuarfimmi 22-t amigaataapput.
- Ilinniartitsisussaaleqineq taama annertutigimmat ilinniartitsinermut ajoqutaavoq, Jørn Holbech atuarfimmi pisortaasoq oqarpoq.
Marloriarluni atuarfimmi sulivoq - fra 2006-imiit 2014-imut. 2020-mi aasakkut uterpoq.
- Kisianni tamanna nutaajunngilaq. Atuarfimmi arlalinnik ilinniarsimanngitsunik atuartitsisoqartuarsimavugut. Kisianni ukiuni kingullerni qinnuteqartut kalaallit ima ikilisimatigaat, atuartut ilinniartitsisullu ilinniarsimasunik ilinniartitsisussaaleqineq pissutigalugu unammilligassaqaleqalutik.
Akeqanngitsumik angalaneq ineqarnermullu akiliinermut tapiiffigineqarneq
Tasiilami atuarfik kisimi ilinniartitsisunik amigaateqanngilaq. Sermiligaami Isertumilu ajornartorsiut aamma annertoqaaq.
Kommuneqarfik Sermersooq Tunumi ilinniartitsisunut immikkut ittumik neqerooruteqarpoq ukiut tamaasa akiliunneqarluni angalanermik, ukiullu pingasut tulleriiginnaat sulisimagunik aningaasanik tunineqartassapput. Ilinniartitsisorlu nunaqafimmi najugaqarnissaminik toqqaappat aamma ineqarnermut akiliinermut kommune tapiissuteqartarpoq – kisianni iluaqutaasimanngilaq.
AAMMA ATUARUK Tasiilami Alivarpi mangler 22 uddannede lærere: Far er bekymret
- Kisianni immaqa avinngarusimanera peqqutigalugu inuit ilaquttaminnik maqaasillutik soraarniuteqaqqittuaannarput, Riikki Grønvold Kommuneqarfik Sermersuumi atuarfeqarnermut pisortaq marlunngormat KNR-imut oqarpoq.
Aron Jonathansenillu Tasiilami Alivarpimmi pingasunik meeraqartup ilinniarsimasunik ilinniartitsisussaaleqineq ernummatigaa.
- Ilinniartitsisunik taama amerlatigisunik amigaateqarneq inissisimaannassappat, meeqqatta atuarfimmi piginnaasaata appariangaatsiarnissaat naatsorsuutigisariaqarparput. Tamannalu angajoqqaajusugut akuersaarsinnaanngilluinnarparput, pingasunngormat KNR-imut oqarpoq.
Ilinniartitsisut ilinniarsimanngitsut tatineqarput
Atuarfiup pisortaata Jørn Holbech-ip Aron Jonathansen paasisinnaalluarpaa.
- Aap, paasisinnaalluarpara. Tasiilamimi allatut epriarfissaqanngilagut. Atuarfik inuiaqatigiinni kulturikkut toqqaviit pingaarnersaraat. Taannalu iluamik ingerlanngippat inatsisillu naapertorlugit neqerooruteqarsinnanngippat, taava qitornat ajunngitsumik ingerlariaqqinnissaat upperiuminaassaq.
Atuartut ilinniartitsullu ilinniarsimasunik sulisoqarnissamik amigaateqarneq qanoq malugisarpaat?
- Ilinniartitsisut atuartullu akornanni agginngitsoqartaqaaq. Atuartullu atuariartunngitsoortut arlaqaqaat. Ilinniartitsisussaaleqilluni ajornartorsiutit taama amerlatigisut passukkuminaapput.
AAMMA ATUARUK Lærermangel i Østgrønland: I Isertoq er alle lærere uuddannede
- Kisianni aamma ilinniartitsinerup pitsaassusaatigut taamaappoq. Tassunga ilanngunneqassaaq immikkut ittumik atuartitsineq, siunnersuineq ilinniaqqinnissamullu ilitsersuineq, ilinniarsimasullu ikittut suliassaat amerlisarput. Kisianni iliniarsimanngitsut aamma tatineqartarput, Jørn Holbech oqarpoq.
- Soorunami assigiinngissuteqarpoq ukiut sisamat ilinniarfissuarmi ilinniarsimagaanni imaluunniit taamaallaat 10. klassersimagaanni.
Inatsisartuni ataatsimiititaliat Siumup ataatsimiigiaqquniarpai
Aaqqinneqarsinnaanngitsutut isikkulik aaqqinniaraanni qanoq iliortoqarsinnaava?
Atuarfiup nammineq ilinniarsimanngitsunut pikkorissartitsineq nalunaaquttap akunnerinik 15-nik sivisussusilik aaqqissorpaa, tassanilu ilaatigut ukiumut pilersaarusiorneq iliniarneqartarpoq. Kisianni Jørn Holbech-ip nassuerutigaa pisariaqartitsineq annertunerusoq. Ittoqqortoormiinilu atuarfimi siulersuisut ukiut arlalinnguit matuma siornatigut isumassarsiaat nuannaarutigaa: Nunaqarfimmi najugaq qimannagu ilinniartitsiunngorniarneq pissarsiaraat.
Nuup avataaniikkaluarluni tamanna ingerlanneqarsinnaavoq. Ilisimatusarfimmi ilinniartitsisunngorniarnermut atavoq, ilinniarsimanngitsutut ilinniartitsunoortuuvoq internettimullu aalajaatsumut atassuteqartariaqarpoq.
- Ilinniarneq najukkamiittoq nalissaqanngitsoq, Jørn Holbech oqarpoq.
Assi: KNR
- Ilinniartitsisut maaniittut maaniittuartussallu isumalluutigisariaqarpavut. Ilinniartitsisut Danmarkimeersut killilimmik maaniittarput. Ilinniartitsisut ilinniarsimanngitsut maaniittut aallarusunngitsullu qaffassaraanni, ineriartortillugit ilinniartitsienrisalu pitsaassusaat qaffarlugit nalissaqarnavianngilaq. Taava ataataasoq taanna ernumavallaartariaqassanngilaq.
Doris J. Jensen (Siumut) er næstformand i Inatsisartut ilinniagaqarnermut atatsimiititaliaanni siulittaasumut tullersortaavoq. Ataatsimiititaliarlu ataatsimiigiaqquniarpaa "pineqartoq oqaloqatigiissutiginiarlugu aaqqinneqarnissaa anguniarlugu".
- Nalunngilluarparput meeqqat atuarfiinik ingerlatsineq ilinniartitsisunillu atorfinitsitsineq kommunit isumaginnittuusut. Kisianni Namminersorlutik Oqartussat pineqartoq nakkutilliisutut pisussaaffigalugu akisussaafigaa, soorlu aamma Naalagaaffiit Peqatigiit tungaannut akisussaasugut meeqqat atuartinneqarnissaannik pisussaaffeqarnitsigut. Kommunini qinikkat pisussaaffitik naammassisinnaanngippatigit, qitiusumit akuliuttariaqarpugut, oqarpoq.
Ajornartorsiut qitiusumik assigiinngitsunik pissuteqarsinnaavoq: ilinniartitsisut sumiiffimmiuunngitsut misigissutitigut unammilligassaqarsinnaapput, siunnersuineq amigaateqarsinnaavoq, sulineri atukkat naammaginanngissinnaapput, unammisassallu aamma ilagisinnaavaat atuarfiup pisortaqarneratigut unammilligassaqarsinnaaneq.
