Video Taamaammat tusagassiortut akerliliisarput

Qineqqusaartoqaleruttorpoq. Qineqqusaartup pikkusullunni oqaluleruttornerata kipisinneqartarnera inuppassuarnit paasiuminaatsinneqarpoq.

Isornartorsiuilluni, qaqilerilluni, paasissutiisiilluni tamatigoortuulluni illuinnaasiunngitsumik saqqummiilluni tassa ilaatigut tamakkuupput tusagassiortut sulinerminni sakkussaasa ilaat. Tassunga atatillugu KNR-i Nuummi innuttaasunik aqqusinermi naapitaminik isummersortitsivoq, isumaallu assigiinngillat, apeqquserneqarlunilu sooq qineqqusaartup pikkusullunni oqaluleruttornerata kipisinneqartarnera.

Sammisaq tikinneqaleraangat itisilerneqarluni tassani aqutsisoq unitsitsisarpoq

- Imaassimmaavoq nilliasoqarnerani imaluunniit tusagassiortup taassuma anguniakkani angorusukkaa. Taamaammat tupinnanngitsumik tusagassiortorpassuit ajorineqartuartarput, Johannes Fly oqarpoq.

 

- Sammisaq tikinneqarumaneq ajorpoq annerusumik, tikinneqaleraangallu itisilerneqarluni tassani aqutsisoq unitsitsisarpoq, Isak Josenius oqarpoq.

 

Tamanna pillugu tusagassiortut uparuartorneqartuarsinnarput. Ingammik qineqqusaarnerup nalaani Facebookikkut uparuartuinerit imaaginnavittarput. Tusagassiortulli taamatut suleriaaseqarnerat pissusissamisoorpoq, Tusagassioriaatsimik ilisimatooq oqarpoq.  

Aamma atuaruk Atassutip AG naveerpaa

- Pingaaruteqarpoq oqaatigissallugu, tusagassiortoq apersukkaminnik nipangersitsiguni, tassa pissutaasoq inuiaqatigiit sinnerlugit apeqqutini akitikkusukkamigit. Aamma tusagassiortut isornartorsiuillutik apersuisussaapput, Tusagassioriaatsimik ilisimatooq, Naimah Hussain, KNR-imut oqarpoq.

 

Tusagassiortut sumiluunniit pissaanerup sisamaat tigummivaat. Politikerit suliassatik eqqortumik suliarineraat

Pissaanerit sisamat

Tusagassiortut pissaanerup sisamaat tigummivaat. Taakkuuppummi demokratii sinnerlugu politikkikkut aaqqissuussamut nakkutiginnittussat.

  • 1. Inatsisartut
  • 2. Naalakkersuisut
  • 3. Eqqartuussiviit
  • 4. Tusagassiortut

tusagassiortut nakkutigisussaavaat. Akerlianillu nakkutigineqarnerat aamma pissusissamisoorpoq. 

 

- Isiginnaartut tusarnaartullu eqqumaarinneri nuannaraara, taakkuuppummi tusagassiortoq pissusissaminik ingerlatsinersoq nakkutiginnittussat. Aamma Facebook aqqutigalugu KNR asuliinnarnerarlugu assinganiluunniit akerliuniarlutik akerliussutsimik takutitsissagaluarpata ajoriffissaqartinngilara oqallinneq aallartittarmat, Naimah Hussain nassuiaavoq.

Inuit Ataqatigiiuneqarnerartarput imaluunniit Siumuunerarneqartarlutik, apeqqutaalluni kikkut Naalakkersuisuunersut.

Tusagassiuinermi Sulisut Peqatigiiffianni siulittaasoq Mariia Simonsen inuit taama qisuariarnerat paasisinnaavaa, naqissuserpaali tusagassiortut akerliliinissaq pisussaaffigigaat.

 

- Apersuinermi inuit oqaluinnaleraangata unitsinneqartarnerat pisariaqartarpoq. Unitsitsineq tusarnaartumut aamma ilaannikkut quujanaassinnaasarpoq. Kisianni qinikkat politikkimullu suliaqartut avaqqutaarillaqqittorujussuupput, erseqqippallaartunik ilaanni oqarusunneq ajoramik, immaqa oqaatsit kingorna utertitsiffigineqarsinnaagamik, Mariia Simonsen oqarpoq.

 

- Tusagassiortut taakkuupput naalaartut innuttaasullu sinnerlugit apeqqutinik apuussisussat. Taamaakkaluartoq Inuit Ataqatigiiuneqarnerartarput imaluunniit Siumuunerarneqartarlutik, apeqqutaalluni kikkut Naalakkersuisuunersut.

 

- Illuatungiliuulluni imaluunniit apeqqusiilluni paasiniaaneq tusagassiortut suliassaraat, ukua oqaasii maleruaannarnagit kisianni illuatungaa paasiniartussaagamikku, Mariia Simonsen oqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat