Assi: Claus Bech/Ritzau Scanpix

Sverigemi coronavirusimik toqquteqartut 4000-it pallikkaat - isornartorsiorneqarlutillu

Sverigemi coronavirusimik toqquteqartut arfinilinnik ilapput.

Sapaatip ualigaa Sverigemi oqartussat kisitsisit nutaat saqqummiummassuk tamanna paasinarsivoq.

Coronavirusimik toqquteqartut ullup siulianut sanilliullugit ikileriarujussuarput, 67-it toqukkut qimagummata. Weekendimili kisitsisit aamma kinguaattooqqasinnaasut Sverigemi oqartussat arlaleriarlutik erseqqissaatigisareerpaat.

Sverigemi coronavirusimik toqquteqartut 4000-t angulerpaat, maannamut nalunaarsorneqartut 3998-iupput.

Danmarkimi coronavirusimik toqquteqartut 562-it nalunaarsorneqarput, Danmark taamaalilluni Nunani Avannarlerni coronavirusimik toqquteqartut amerlanerpaani tullertut inissisimapput. Sverigemi nunanut saniliminut sanilliullugu toqusut amerlanerpaallutik.

Sverigemi coronavirusi pakkersimaarniarlugu iliuutsit allaanerupput.

Atuarfiit neriniartarfiillu ammatiinnarneqarput, svenskillu imminnut illersornissaat, soorlu oqartussat peqqussutaasa malinneqarnissaat pillugu, akisussaaffik tunniunneqarnikuulluni.

Svenskit nappaatinik tuniluuttunik ilisimatuunera Anders Tegnell, coronavirusip tuniluutilertunnginnissaanut Sverigep periusissiaanut akisussaasuuneruvoq.

Taanna nutaarsiassaqartitsivimmit The Observerimit periusissiaa isornartorsiorneqarpoq.

Isornartorsiuineq Sverigep nappaatinik tuniluuttunik ilisimatuunerusimasaanit Annika Lindemit isornartorsiutaavoq.

- Pilersaarusiornermut piffissaqarnerusimassagaluartugut isumaqarpunga. Matujaarsimagutta piffissami tassani aarlerinaatilinniittortatta illersorneqarnerunissaat sulissutigisimasinnaagaluarparput, taanna oqarpoq.

Periusissiap aallartisarneqarnerani toqqissisimasimalluni aamma oqarpoq. Aarlerinaatilimmiittuummi illersorneqarnissaat Anders Tegnellip oqaatiginikuummagu.

- Utoqqartattali illersorneqarnissaat sinnattuinnaasoq paasinarsivoq, piviusumi timitalerneqarpianngitsoq, Annika Linde The Observerimut oqarpoq.00:02:02

Sverige 10 millionit missaani inoqartumi 33.359-it coronavirusimik tunillatsissimapput.

Isummersuutit

Nunatsinni coronavirusi pillugu
killiffik

Tunillatseqqasut 100  
Ullumi tunillatsittut 13  
Siullermik kapitissimasut 40.922  
Aappassaa kapitissimasut 35.850  
Tunillanneqarsimasut 454  
Uninngasut 0  
Anersaartuuteqartitaasut 0  
Toqquteqartut 0  
corona.nun.gl-imi kisitsit takukkit  
   Nutarterneqarpoq: 
Septembarip 17-iat 13:16
 

Coronavirusimik tunillatsinissaq pinaveersaaruk