Aalisarneq pillugu ataatsimiititaliarsuaq Suliap maannakkut killiffia naammaginanngilaq

Aalisarnermut Ataatsimiititaliarsuup suliarineqarneranut taama inerniliilluni oqarpoq, Mute Egede Inuit Ataqatigiit siulittaasuat

- Suliap maannakkut killiffia naammaginanngilaq, Mute B. Egede taama oqarpoq.

Taanna isumaqarpoq ataatsimiititialiarsuup naammassineqarnissaanut sulineq kigaappallartoq, aalisarnermut inatsisissap nutaap suliarineqarnissaata aallartinneqarnissaanut.   Taanna aamma isumaqarpoq, aalisarnermut ataatsimiititaliarsuup suliarineqarnerani Naalakkersuisut matoqqavallaartut.

AAMMA ATUARUK Naalakkersuisooqatigiit tapersersortaasalu isumaqatigiinnginnerat pissutaavoq

- Inuiaqatigiinni susassaqartunilu tamani nalilersortariaqalerparput, ilumut naalakkersuinikkut suliaq taama annertutigisoq matoqqasumik aammalu peqataatitsiffiunngitsumik  ingerlanneqarnera, Inuit Ataqatigiit siulittaasuat taama oqarpoq.  

Taassuma erseqqissaatigaa,  Inuit Ataqatigiit ataatsimiititaliarsuarmi sulinermi peqataarusummat assaminnillu isaassisut.

- Utaqqivarput naalakkersuinikkut siunnerfik sunaana saqqummiunniarneqarnersoq ? qanoruna
aaqqissuussaaneq ittoq saqqummiunniarneqartoq ?  - Oqaloqataarusoqaagut Inuit Ataqatigiinnit,
akisussaassuseqartumik  inuiaqatigiinnut ingerlatsineq tassaasussaaavoq ammasumik  matoqqasumiunngitsoq ingerlatsineq, Inuit Ataqatigiit siulitttaasuat Mute Bourup Egede taama oqarpoq.

AAMMA ATUARUK Aalisarneq pillugu ataatsimiititaliarsuaq suli pilersinneqanngitsoq

Aningaasanut inatsimmi 2019-mut atuuttumi aalisarnermut ataatsimiititaliarsuarmut atugassanik to million kr-nik immikkoortitsisoqarpoq