Aalisarneq pillugu ataatsimiititaliarsuaq suli pilersinneqanngitsoq
Naalakkersuisuuneersut partiillu tapersersortaasup Demokraatit sinniisaat aalisarneq pillugu Ilulissani pingasunngormat isumasioqatigiipput.
Aalisarneq pillugu ataatsimiititaliarsuup qangali utaqqineqartup naammassinissaa siunertariaqarpoq. Ataatsimiititaliarsuup sulinerata qaammatip matuma qiteqqunnera aallartinneqarnissaa Naalakkersiusut siornatigut neriorsuutigigaluarpaat.
Isumasioqatigiinnerulli kingorna illuatungeriit nalunaruteqanngillat, aalisarnermullu, piniarnermut nunalerinermullu naalakkersuisup Nikkulaaat Jeremiassenip (S) isumasioqatigiinnermut tunngatillugu ullumikkut apersorneqarnissani kissaatiginngilaa.
AAMMA ATUARUK Aalisarneq pillugu ataatsimiititaliarsuaq pillugu Ilulissani isumasioqatigiittoqalersoq
Taamaammat Naalakkersuisut tusagassiorfinnut pingasunngormat nalunaaruteqaramilli allatigut nalunaaruteqaqqinngillat.
Nikkulaat Jeremiassen pingasunngormat ima allappoq:
- Aalisarneq pillugu Ataatsimiititaliarsuup Ilulissani isumasioqatigiissutaanera aalisarneq pillugu inatsisissap suliarineqarneranut pingaaruteqarluinnartussaavoq.
AAMMA ATUARUK IA er trætte af at vente på fiskerikommission
Aalisarneq pillugu ataatsimiititaliarsuaq aalisarneq pillugu inatsisissamut nutaamut suliniutinullu allanut, aalisarnerup iluani ineriartortitsinermut sunniuteqartussanik, aalisarnermillu inuussutissarsiutip inuiaqatigiinnut sapinngisamik annertunerpaamik pissarsiaqarfiginissaanut qulakkeerinnittussamik inassuteqaateqartussaavoq.
Aalisarneq pillugu ataatsimiititaliarsuup pilersinneqarnissaanut ingerlanneqarnissaanullu 2 millionit koruunit Naalakkersuisunit 2019-imut immikkoortinneqarput.
Aalisarneq pillugu ataatsimiititaliarsuup isumaliutissiissummik 2019-ip naanerani tunniussaqarnissaa naatsorsuutigineqartoq pingasunngormat aamma nalunaarutigineqarpoq.
