Michael Rosing Suleqatigiissitsisuni siulittaasuusimavoq. Maannalu siulittaasunngoqqikkusulluni.Assi: Arkivfoto

Suleqatigiissitsisut siulersuisuuneri politiinut unnerluutigineqartut

Suleqatigiissitsisuni ilaasortat tallimat ”Suleqatigiissitsisut aningaasaataannit namminermut aningaasartuutinut, partiimut attuumassuteqanngitsunut atorneqarsimasut annertuallaarpasittut” isumaqarput.

Suleqatigiissitsisuni ilaasortat tallimat Tillie Martinussen siulersuisuunerillu politiinut unnerluutigaat.

Partiimi ilaasortat marluk, Michael Rosing aamma Flemming Nielsen tusagassiuutinut naatsumik allagaqarput.

Tamanna partiimit ilaasortat tallimat ”Suleqatigiissitsisut aningaasaataannit namminermut aningaasartuutaasimarpasittinut, partiimut attuumassuteqanngitsunut atorneqarsimasut amerlavallaaarnerannik” isumaqarnerannik pissuteqarpoq.

AAMMA ATUARUK Flytning, allergi og stresscoach: Det handler striden i Samarbejdspartiet om

Ilaasortat taakku tallimat tassaapput Michael Rosing, Flemming Nielsen, Mathias Laurits Mathiassen, Henrik Phillipsen Liv Molichilu.

  • Mathias Lauritsen Mathiasen Sermersuumi siulittaasup tulleraa.
  • Henrik Phillipsen siulersuisuunernit ilaasimavoq, maannalu Danmarkimi najugaqarluni. Taanna partiimi suli ilaasortaavoq. 
  • Liv Molich Kommuneqarfik Sermersuumi nunap immikkoortuani siulersuisuni sinniisussaavoq.
  • Michael Rosing Liv Molichilu Inatsisartunut sinniisussaapput.  

- Uagut takusinnaasatsinni Suleqatigiissitsisut aningaasaataannit Tillie Martinussenip nammineq aningaasartuutissai akilerneqarsimarpasipput. Tamanna politiinit naliliiffigineqartillugu suut unioqqutitsinerunersut takutikkusupparput. Tamanna aalajangiiffigisinnaanngilarput - politiit suliassaraat, Flemming Nielsen KNR-imut oqarpoq.

KNR-ip Tillie Martinussen oqaaseqartinniaraluarpaa, tamannali iluatsinngilaq.

Suleqatigiissitsisuni partiimut tapiissutinit aningaasat qanoq atorneqarnerat pillugu suliaq pillugu tamat tusaasaanni aporaattoqalerpoq.

Partiip siulittaasorigallagaata, Tillie Martinussenip siulersuisuunerillu partiip aningaasaataanik atornerluisoqarluni Tillie Martinussenip namminermut aningaasartuutaanik akiliisoqarsimannginnerarpaat.

Uippakajaarnermut ikiorserneqarneq, oqarasuaammut atuineq nuunnerlu

Aningaasartuutini sapigaqarluni anillattoornermi suliaritinneq 3.654 koruunit, partiip ilaasortat uippakajaarnermi ikiorserneqarnerannut 50.000 koruunit, oqarasuaammut angallattakkamut 2020-mi immiinermut 25.500 koruunit Tillie Martinussenillu inissiamut nutaamut nutserneranut inikuanillu eqqiaanermut 14.000 koruunit ilaatigut pineqartut KNR-ip siusinnerusukkut allaaseraa.

Taakku tamarmik partiip aningaasaataanit akilerneqarput, katillugillu 100.000 koruuniullutik.

AAMMA ATUARUK Tillie Martinussenip atornerluinerarneqarnini saassussinerlunnertut nalileraa

- Taama ingasatsigilernera nikallungassutigalugu aliasuutigaarput. Partiimik nutaamik aallartitsineq suliassaqarfiusorujussuullunilu pimoorussiffiuvoq. Suliaqarneq taanna maanna asiutinneqarpoq, Michael Rosing tusagassiuutinut nalunaarummi allappoq.

Taakkuinnaanngillalli.

Nunatta Eqqartuussiveqarfiata Michael Rosingip Tillie Martinussenimut eqqartuussivitsigut inerteqquteqartitsiniarnera ippassaq itigartitsissutigaa.

Kina siulittaasuua?

Michael Rosingip inerteqquteqartitsinikkut Tillie Martinussenip partiillu aningaaserisuata partiip aqqani taarsigassarsisinnaaniarsinnaanissaat pinaveersaartinniaraluarpaa. Tamannali nunatta eqqartuussiviata itigartitsissutigaa, Michael Rosingilu suliami aningaasartuutinik 5.000 koruuninik maanna akiliisussanngorpoq.

Partip aningaasaataanik qanoq atuinissamik isumaqatigiinnginnerup saniatigut partiiaqqami kina siulittaasuunersoq tamat tusaasaanni aporaattoqalerpoq.

AAMMA ATUARUK Immikkut ilisimasalik Suleqatigiisitsisut aningaasanik atuinerannut: Malittarisassaqanngilaq

Siulittaasuusimasormi Michael Rosing iulittaasunngoqqinniarluni nalunaaruteqarpoq. Atuuffimmiillu pisortatigoortumik tunuarnikuunnginnerarpoq.

Partiilli siulersuisuisa maanna siulittaasuugallartoq Tillie Martinussen taperserpaat.

Tillie Martinussen ulorianartorsiortinneqarsimasoq sapaatip akunnerani matumani aamma saqqummiunneqarpoq.

Taamaammat ukiakkut ataatsimiinnermi peqataanngilaq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat