Pisortat aningaasaqarnerat sinneqartooruteqangaatsiartoq
Pisortat ingerlatsinermi aningaasaateqarnermilu aningaasartuutaat 2016-imi 10,5 milliardit koruunit angusimavaat. Tamanna 2015-imut sanilliullugu 380 millionit koruuninik tassa procentinngorlugu 3,8 proentimik qaffassimasut, Naatsorsueqqissaartarfik allappoq.
Naatsorsuinermi pisortat naatsorsuutaat 2016-imi 826 mio. koruuninik sinneqartoorfiusimasoq takuneqarsinnaavoq. Tamanna 2015-imut sanilliukkaanni anneruvoq, 2015-imi sinneqartoorutit 490 mio. koruuniupput.
Ataatsimut aningaasartuutit 27,6 procentii isumaginninnikkut illersuimut, ilaatigut isumaginninnikkut illersuinermik ilaatigut ilaqutariinnut, meeqqanut, innarluutilinnut utoqqarnullu isumaginninnermut atorneqarsimapput.
Isumaginninnikkut illersuinermi aningaasartuutit 2016-imi 0,7 procentimiit 2.903 mio. koruuninut apparput.
Pisortat ingerlatsiviini kiffartuussineranilu ilinniartitaaneq annerpaat ilagaat. Atuartitaanermut 2016-imi 1.957 mio. koruunit atorneqarput. Tamanna 0,3 procentimik appariarneruvoq.
Peqqinnissaqarfimmut aningaasartuutit apparnatik qaffapput. Aningaasartuutillu 13,8 proocenteralugit, tassani 2016-imi aningaasat 1.452 millionit koruunit atorneqarput, 2015-imut sanilliullugu 3,8 procentimik qaffariarnerulluni.
Naatsorsuinerit atorlugit nunatsinni atuinerit assersuutigalugu Danmarkimut Savalimmiunullu sanilliunneqarsinnaapput.
Naatsorsuinerit naapertorlugit nunatta 35.031 koruunit ilinniartitaanermut atorneqarput.
AAMMA ATUARUK Nunatta aningaasaqarnera ajornartorsiuteqaleriartortoq
- Taamaallaat Savalimmiut minillugu nunani avannarlerni agguaqatgiiissitsilluni ilinniarnermut inunnut ataasiakkaanut aningaasat atorneqartartut nunatsinni annertunerupput, Naatsorsueqqissaartarfik allappoq.
Isumaginninnermilu illersuinermi tamanna mumingavoq. Uani nunatta inummut ataatsimut atugai nunani avannarlernerni Island minillugu nunarput atuinikinneruvoq.
- 2016-imi nunatsinni isumaginninnermut aningaasartuutit 51.984 koruunit inummut ataatsimut atorneqarput, Norgemi 97.743 koruunit Danmarkimilu 84.486 koruunit atorneqarlutik, Naatsorsueqqissaartarfik allappoq.))
AAMMA ATUARUK Siunnersuisooqatigiit sakkortuumik isornartorsiuipput
