Torben M. Andersen Siunissami unammilligassat annikillinavianngillat
Nunatta karsia 2030-mi 1 milliardit koruuninik amigartooruteqassaaq. Naalakkersuisoqatigiit aningaasanut inatsimmi ukiuni sisamani 145 millionit koruuninik amigartooruteqassaaq. Taamaammat aningaasaqarnikkut aqutseriaaseqarnermi siunissami unammilligassat annikillinavianngillat.
Aamma atuaruk Nunatta karsia 1 milliard koruuninik amigartooruteqarfiussaaq
Aningaasaqarnermut Siunnersuisoqatigiit siulittaasuat, Torben M. Andersen taama oqarpoq.
- Namminersorlutik Oqartussani kommunimilu aningaasartuutinut piumasaqaatit annertunerulissapput. Suliassarlu annertoreerpoq, ukiunilu qanittuni atorluaasoqanngippat najummassimanartoqalersinnaavoq, Torben M. Andersen KNR-imut taama oqarpoq, ilanngullugulu oqaatigaa: Nunatta aningaasaqarneranut utoqqaat amerliartorneri sunniuteqassasoq isertitallu ikiliartussallutik.
Aamma atuaruk Napatitsinermut pilersaarut tigulluarneqartoq
Naalakkersuisut siunissami aqutseriaaseqarnermi unammillernartussanut isumannaallisaaniarlutik, napatitsinermut siuariartortitsinissamullu pilersaarusiornerannik siulittaasup maajimi nersorpai.
Aningaasanut inatsit pissutigalugu qiimmatsanneq annikillisimavoq.
- Napatitsinermut siuariartitsinissamullu pilersaarusiaq sumut killissimanersoq massakkut nalunalaarpoq, siunissamulli aningaasaliinissamut piumasaqaatit annertunerulerput, Torben M. Andersen oqarpoq.
Ukiuni aningaasaqarfiulluartuni soorlu maannakkut inissisimaffitsinni atuilluarnerulluni aningaasanik ileqqaaruteqarnissaq Aningaasaqarnermut Siunnersuisoqatigiit siulittaasuata takorusussinnaagaluarpaa:
- Aningaasaqarneq ingerlalluarsimavoq, unammillernartoqalernissaanullu iluaqutaasinnaammat pisortat aningaasaateqarluarnissaat siunertaanikuuvoq. Tamannali taamaakkunnaarpoq, siunnisamilu ajortiasinnaavoq, Torben M. Andersen taama oqarpoq.
Aamma atuaruk Naalakkersuisoqatigiit nutaat 145 millionit koruuninik amigartooruteqarnissaq siunnerfigigaat
Aamma atuaruk Naalakkersuisooqatigiit nutaat ima akeqarput