Sisimiuniit Christiansborgimut
- Inuusutttut inatsisartui ukioq allortarlugu ataatsimiittarput, demokratii, oqartussaaqataaneq qanorlu iliorluni tamanna suliarineqartarnersoq atuartut namminneeerlutik misilinniassammassuk, Folketingip siulittaasua Mogens Lykketoft oqarpoq.
- Inuusuttuaqqat naapinnissaannut, suullu uummammiorineraat, tusassallugit qilanaarpunga, inuusuttut inatsisartuisa ataatsimiinnissaat ullumi aallartittussaq sioqqullugu Mogens Lykketoft oqarpoq.
Isumaqatigiinniartartussaapput, aamma taasisassapput. Taakkua saniatigut, ministeriunermut Helle Thorning Schmidtimut, aamma ministerinut allanut arfineq-marlunnut, ataatsimiinnermini najuuttussanut, apeqquteqaateqassapput.
Inuusuttut inatsisartuisa ukioq-manna ataatsimiinnissaannut inatsisissatut siunnersuutinik 1300-nik tunniussisoqarpoq, taakkunannga ataatsimiititaliani suliarineqartussat 60-iullutik.
Inuusuttut Folketingimi ataatsimiinnissaanni atuartut 178-it ilaat marluk Kalaallit Nunaanneersuupput. Tassalu Dortheeraq Olsen aamma Enok Petersen. Taakkua Sisimiuni Nalunnguarfiup Atuarfiani 8.D-mi atuartuupput.