Demokraatit siulittaasuat Randi Vestergaad Evaldsen Assi: Helle Nørregaard

Demokraatit: Saarulliit Inatsisartullu ataatsimiittarfiat suleqatigiikkunaarnermut pissutaaqataapput

Inuiaqatigiinnni pingaaruteqartut soorlu saarullitassiissutit aamma nutaamik inatsisartut ataatsimiittarfiliornissamik siunnersuut isumaqatigiinngissutigineqarnerisigut Naalakkersuisoqatigiit suleqatigiikkunnnaarput.

Partiip Siumut iluani isumaqatigiinngitsoqarpoq,  Demokraatit siulittaasuat aamma aningaasaqarnermut naalakkersuisuusimasoq  Randi Vestergaard Evaldsen taama oqarpoq.   

- Uani pisooqataasut annertunerpaat tassaaapput Siumup gruppeata iluani ajornartorsiutit partiit sinneranut tupput,
Randi Vestergaard Evaldsen taama oqarpoq,  Siumup partiaata iluani isumaqatigiinngissutigineqartut suunneri taassuma oqaatigerusunngilai.

- Toqqaannartumik uanga oqaatiginianngilara Siumup partiaata iluani suut ajornartorsiutigineraat, partiip iluani ajornartorsiutigineqartut tusagassiortunut nassiuaatigineqarumaarput, Aningaasaqarnermut Aatsitassaanullu maanna naalakkersuisuusimasup Siumup iluani naalakkersuisoqatigiillu akornanni isumaqatigiinngissutigineqartut pillugit assersuuteqarpoq.   

Aamma atuaruk inatsisartut-ataatsimiittarfissaat-nutaaq-ataatsimiititalimi-suliarineqassaaq

- Inatsisartut nutaamik ataatsimiitarfissaannik siunnersuut pillugu assigiinngitsorujussuarmik isummernikuuvugut, aamma saarullinnik pisassiisoqarmat aamma partii Siumullu naaperiarfeqarnikuuvuugut,  partiit assigiinngitsorujussuuvugut kisianni suleqatigiissinnaagaluarluta isummagut assigiinngippallaarlutik suleqatigiinneq unippoq, Demokraatit siulittaasuat Randi Vestergaard Evaldsen oqarpoq.

Aamma atuaruk inatsisartut-nutaamik-ataatsimiittarfittaarnissaat-suli-kissaatigineqarpoq

Aamma atuaruk nutaamik-inatsisartoqarfiliornissamik-pilersaarutit-maanna-taamaatiinnarneqarput

Inatsisartut nutaamik ataatsimiittarfiliorneqarnissaannik siunnersuut oqallisigineqaqisoq  Inatsisartut siulittaasoqarfiannit siunnersuutigineqartoq demokraatinit akerlerineqartupilussuuvoq  kiisalu partiinit mikisunit  Partii Naleraq ilanngullugu.

Taamaakaluartoq  Siumut maanna suleqatigilikkaminit Inuit Aqatigiinnit tapersersorneqarpoq.
Pineqartup aappaa tassaalu saarullittassat 8000 tonsinik  ilaneqarnissaannik Naalakkersuisut siunnersuuteqarnerat  Naalakkersuisoqatigiit suleqatigiikkunnaarnerannut pissutaasunut ilaavoq. Saarullittassat Pinngortitaleriffiup innersuussussutigisaannit pingasoriaammik amerlanerusut pisassiisutigineqarput.

Aamma atuaruk saarullittassiissutit-8000-tonsinik-ilaneqarput

Saarullittassat amerlineqarnissaannut   Demokraatit  isumaqataanngillat, taamaattorli Naalakkersuisut ataatsmiinneranni  partiit siulittaasui Kim Kielsen Randi Vestergard Evaldsenilu  naaperiarfissamik isumaqatigiissuteqarput.

Aamma atuaruk saarullinniarneq-uteriaqqiffiussasoq

 Aamma atuaruk inuk-saqqumilaartoq-facebookikkut-siooratinneqartoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat