Saarullinniarneq uteriaqqiffiussasoq

Saarullittassiissutit ilaneqarnerat aappaagumut kinguneqartitsisinnaasut, Pinngortitaleriffimmit siulittuutigineqarpoq

Allattoq Jonas Løvschall-Wedel

oktobarip 15-at 2016 12:37

Nutserisoq Ivik Kristiansen

- Saarullinniarneq aappaagu uteriaqqiffiusinnaaleriissasoq misissuinitta takutippaa, Pinngortitaleriffimmi immikkoortortaqarfimmi pisortaq, Helle Siegstad saarullittassiissutit ilaneqareersullu Sermitsiaq.AG-mut oqarpoq.

Naalakkersuisut saarullittassiissutit 8000 tonsinik ilavaat, 2016-imullu saarullittassiissutit taamaasillutik 33.000 tonsinngorput.

Aamma atuaruk Saarullittassiissutit 8000 tonsinik ilaneqarput

Taakkulu biologit 2016-imi saarullittassiissutitut innersuussutigisaannut, 12.379-tonsiusunut sanilliullugit amerlapput.

Maannakkorpiarlu saarullippassuaqartoq Pinngortitaleriffimmit ilisimaneqartoq, Siegstad Sermitsiaq.ag-mut oqarpoq.

Taamaattoq saarulleeqqat amerlanngitsut, taassuma oqaatigaa, ilanngullugulu oqarluni, 2012-imit 2014-ip tungaanut saarulleerarpassuaqarsimasoq, taakkuusullu maanna aalisarneqartut.

Aamma atuaruk Inuk saqqumilaartoq Facebookikkut siooratinneqartoq

Saarulliillu taama aalisarneqartigineri amerlassusiannut qanoq sunniuteqassanersoq, Helle Siegstadip siulittuutigerusunngilaa, siunnersuinermili allanngortinnissaanut pissutissaqartinngilaa.

- Siunnersuinitta allanngortinnissaanut pissutissaqanngilagut. Aamma aappaagumut allanguinissatsinnut pissutissaqanngilagut, Helle Siegstad Sermitsiaq.AG-mut oqarpoq.