Russeq ACR-imi ajugaavoq
Ruslandimiup Sergei Spirinip Sisimiuni Arctic Circle Race-imi isorartussutsit pingasut katillugit 150 kilometerit sinneqartut ingerlaarfiginerini katillugit 10 tiimit 8 minutsit 26 sekundillu atorpai, taamalu ajugaalluni.
Allattoq Elisa Isaksen
apriilip 11-at 2010 13:21
Russeq ajugaasoq Øystein Slettemarkimit unammineqarlualaavippoq, taannami normu 2-tut 6 minutsit sinnilaarlugit kingusinnerusukkut apuukkami.
Piitaaraq Skifte normu 3-nngorpoq.
Niviaq Chemnitz Berthelsen arnani qulakkeerluavillugu ajugaavoq, tassa normu 2-nngortumit misilittagartuumit Uiloq Slettemarkimit nalunaaquttap akunnerata aappaata affaanik siulliulluni apuukkami. Arnani normu 3-nngorpoq Arnatsiaq Rosing, normu 2-nngortumit nalunaaquttap akunnerata ataatsip missaanik kingusinnerulluni apuuttoq.
Niviaq Chemnitz Berthelsen ukiup aappassaannik arnani ajugaavoq, unammisunilu tamani normu 10-tut inissilluni.
Arctic Circle Race pillugu KNR-TV unnugu qulingiluanut tanneq qulingiluaniit aallakaatitsissaaq.