Partii Nunatta Qitornai Qinigassanngortitsinissamut atsiornerit atorsinnaanngitsut

Partiip pilersinneqaqqammersup Nunatta Qitornaata, Vittus Qujaukitsumit siuttuuffigineqartup inatsisartunut qinigassanngortitaqarnissamut atsiornerit pisaqariaqartinneqartut amerlanerusut katersortariaqarpai.
Allattoq Jaaku Lyberth
marsip 05-at 2018 12:48

Qinigassaanngortitaqarnissamut atsiornerit pisariaqartinneqartut 942-it partiimit katersorneqarlutik Qinersinermut Ataatsimiititaliap Allattoqarfianut tunniunneqareersimagaluarput. 

Atsiornerilli 200-it missaannik amerlassuseqartut akuerineqanngitsut, Vittus Qujaukitsoq oqaluttuarpoq.

AAMMA ATUARUK Partii nutaaq qinigassanngortitsinissamut piareerpoq

- Atsiornerit amerlasuut akuerineqarnissaminnut piumasaqaataasut naammasisinnaasimanngilaat, atsiornerillu allat  partii Atassut tapersersorlugu atsiornerullutik, Vittus Qujaukitsoq KNR-imut oqarpoq. 

Vittus Qujaukitsup ilanngullugu KNR-imut oqaluttuaraa, atsiornerit 70-it missaanniittut Aasianneersut, Ilulissannut nassiunneqarneranni tammarsimasut.   

Partii Nunatta Qitornai, sapaatip akunnerini tulliuttununi, Paamiuni, Narsami, Qaqortumi Nanortalimmilu atsiornernik katersiniarluni angalaniarpoq.

KNR-imi februaarip ulluisa pingajuanni allaaseraarput, Vittus Qujaukitsup atsiornerit katersukkani Qinersinermut Ataatsimiititaliap Allattoqarfianut tunniukkini. Taakkuali ilaat atorsinnaasimanngillat, partiilu maanna kujataanut angalasussanngorpoq, atsiornernik katersiartorluni.    

AAMMA ATUARUK Partii nutaaq qineqqusaalersoq

 

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk