Partii nutaaq qinigassanngortitsinissamut piareerpoq
Vittus Qujaukitsup atsiornerit katersugai Qinersinermut Ataatsimiititaliap Allattoqarfianut tunniunneqareerput, aviisi Sermitsiaq taama allaaserisaqarpoq. Qujaukitsup partiiata, namminersulivinnissaq pingaarnerpaatillugu qinigassanngortitsiniarpoq.
Allattoq Jonas Fievé, Ane-Marie Petersen
februaarip 03-at 2018 14:00
Atassut Vittus Qujaukitsullu partiaa Nunatta Qitornai atsiornernik katersereerlutik tunniussisimasut Sermitsiap allaaseraa.
Inatsisartunut qinigassanngortissinnaanermut atsiornerit 942-t innuttaasunit pisariaqartinneqarput, partiillu taakku marluk maanna katersoreersimaleruttorpaat.
Qinersinermut ataatsimiititaliap Sermitsiamut uppernarsarpaa atsiornerit tigusimallugit, atsiornerillu tamarmik atorsinnaanersut maanna misissuleruttorlugit.
Ulloqeqqanut radioaviiseqarnitsinni Vittus Qujaukitsoq aallakaatitsivimmi pulaartoraarput. Partiillu suut tunngavigalugit qineqqusaassanersoq oqaatiginissaa siusippallaarnerarpaa namminersulivinnissarlu sukataarunneqarnissaa pingaarnerpaanerarlugu.
Vittus Qujauktsup partii aallartitaa nutaaq pillugu ullup qeqqaanerani radioaviisiimi oqarnera uani tusarnaarsinaavat
AAMMA ATUARUK Qujaukitsoq melder sig ud af Siumut
