Qeqqata milliardinik aatsaavissuaq isertitaqartoq - ilungersunarsinnaasunilli mianersorfissaqartoq
Qeqqata Kommuniani kommunalbestyrelse ataatsimeeqqammerpoq, tassanilu 2025-mut naatsorsuutit misissorneqarlutik.
Kommunip karsia aningaasaateqarnerusoq.
Qeqqata Kommunia 1 milliardit koruuninik aatsaavissuaq isertitaqarpoq.
Angusaqartoqaraluartoq suli mianersorfissaqartoq
Oqaluttuarisaanermili aatsaat taama angusaqartigisoqaraluartoq aningaasaqarnikkut suli mianersorfissaqartoq borgmesterip, Malik Berthelsenip tusagassiuutinut nalunaarummi erseqqissaatigaa.
- Milliardit anguneqaraluarpataluunniit aningaasartuutit amerliartorput taamaattumik suli mianersortariaqarpugut, Malik Berthelsen oqarpoq.
2025-mut naatsorsuutit 47,2 millionit koruuninik sinneqartooruteqartoqartoq takutippaat.
Akileraarutitigut isertitat kisiisa pissutigalugit sinneqartooruteqarneq, Malik Berthelsenip erseqqissaatigaa.
Ilaatigut inuit akileraarutaannit, suliffeqarfiit akileraarutaannit iluanaarutisianillu akileraarutinit.
Allatut oqaatigalugu imaappoq, kommunip akileraarutitigut isertitai naatsorsuutinit amerlanerupput.
Siunissaq ilungersunartoq
Borgmesterilli Kangerlussuarmi innuttaasut, timmisartuussinerit amerlanerit Nuup mittarfianut nutaamut nuunneqarmatali ikileriarnerat aammattaaq erseqqissaatigaa.
Tamatuma kingunerisaanik sulisartut arlaqartut nunaqarfimmit nuupput.
Tamanna kommunip aningaasaqarniarneranut siunissami ilungersunartorsiortitsisinnaavoq, borgmesteri oqarpoq.
Kommunimi innuttaasut ikiliartortillugit akileraarutitigut isertitat ikiliartussapput, tamannali ilutigalugu kommuni, atugarissaarnerup tungaatigut kiffartuussinerullu tungaatigut suli isumaginnittussaavoq.
Kommunili ukiuni tulliuttuni aaqqissuussinerup tungaatigut aamma ilungersunartorsiorsinnaanera, aqutsisoqarfiup oqaatigaa.
Ilaatigut ukioqatigiiaarpassuit soraarninngortussanngornerisa qanilliartornerani sulisinnaasut ikiliartorput.
Tamanna kommunip akileraarutitigut isertitaanut ilinniarsimasunillu sulisussarsiornermut sunniuteqarsinnaavoq.
