Qatanngutigiit nunatsinnit World Cupimi unammeqataassasut

World Cupimi sisoraaserluni ooqattaasarnermi unammineq arfininngorpat aallartissaaq. Tamannalu Sverigemi Østersundimi ingerlanneqassaaq, ukioq mannalu unammisoqarnissaa nunatsinut immikkut ittuuvoq.

Nunatsinninniimmi ilagiiaarluni World Cupimi aatsaat peqataasoqassaaq. Qatanngutigiit single mix stafetimi tassa ataatsimut unammeqatigiillutik peqataassapput.

Nunatsinni biathlonertartut kattuffiat tusagassiuutinut nalunaarummi allappoq.

- Unammisassagut pikkorissorujussuusut ilisimallugit unammilerpugut. Aatsaat unammeqatigiissaagut, taamaammat unamminerup naammassilluarnissaa unamminermillu misilittagaqalernissaq taamaammat pingaarnerutipparput, Ukaleq aamma Sondre Slettemark tusagassiuutinut nalunaarummi allapput.

Naammassinissaa anguniagarigaat

Single mix stafettimi unammineq arfininngorpat aallartippat 1,5 kilometerinik isornartutigisumik sukkaniutissapput, katillugillu qulingiluariarlutik sukkaniutissallutik.

Ilagiinnit qaangerneqaraanni unamminermi peqataasoqarunnaartarpoq. Taamaammat qatanngutigiit tamanna pinaveersaarlugu unamminerup naammassinissaa anguniagaraat.

- Misilittakkanik pilersitsinissat uagutsinnut maannakkut pingaarnerpaavoq, unamminermi ima ittoq uagutsinnut ukiunut aggersunut pitsaasuussangatipparput.

Sondre Slettemark World Cupimi peqataanissamut siorna annguppoq, aatsaallu siullerpaamik 1. divisionimi peqataassalluni.

Ukaleq aamma Sondre Slettemark isorartuumut sapaatiuppat unammeqataassapput.