Suleqatigiissitap Kalaallit Nunaanni politiit inissiisarfinnilu nakkutilliisut akissarsiaat taakkulu atorfimminni atugaat qulaajareerlugit oqaaseqaatigisaani tamanna atuarneqarsinnaavoq. Oqaaseqaat Inatsiseqarnermut ministereqarfimmit tallimanngornermi saqqummersinneqarpoq.

Qaammammut 7500 koruunit: Kalaallit nakkutilliisut danskinit akissarsiakinnerupput

Kalaallit Nunaanni Politiini sulisut Danmarkimi suleqatiminnit qaammammut akissarsiakinnerusut, suleqatigiissitaq oqaaseqaammi paasissutissiivoq.

Danmarkimi politiini sulisut Kalaallit Nunaanni Politiini sulisunit akissarsiakkaanerupput.

Suleqatigiissitap Kalaallit Nunaanni politiit inissiisarfinnilu nakkutilliisut akissarsiaat taakkulu atorfimminni atugaat qulaajareerlugit oqaaseqaatigisaani tamanna atuarneqarsinnaavoq. Oqaaseqaat Inatsiseqarnermut ministereqarfimmit tallimanngornermi saqqummersinneqarpoq.

Danmarkimi Kalaallit Nunaannilu politiinngorlaat ima akissarsiaqarput:
 

København:

  • 27.218 koruunit qaammammut

Bornholmimi politiinngorlaaq:

  • 25.980 koruunit

Kalaallit Nunaanni politeeq:

  • 19.788 koruunit
     

Tusarfik: Inatsiseqarnermut ministereqarfiup ataani suleqatigiissitanit oqaaseqaaq

Københavnimi politiit soraarnerussutisiassat ilanngunnagit qaammammut 25.148 koruuninik atorfineqqaarnerminni akissarsiaqartinneqartartut Kalaallit Nunaannilu politiit soraarnerussutisiassat ilanngunnagit 19.788 koruuninik akissarsiaqartartut oqaaseqaammi allassimavoq.

Jesper Fleischer, Kalaallit Nunaanni politiit peqatigiiffiani siulittaasoq, suleqatigiissitap oqaaseqaammik saqqummiussinerat nuannaarutigaa.

- Soorunami iluarisimaartorujussuuvara taamatut kiisami saqqummiisoqarmat oqaatigiuartakkagut, ilumut taamatut akisussaasuminngaanniit saqqummiunneqarlutik. Ukiorpassuarni taanna suaartaatigiuaannarnikuugatsigut.

- Ilinniagaq, sulisitsisoq suliassallu assigiikkaluartut suminngaanneersuuneq naapertorlugu akissarsisinneqartarneq akuersaarneqarsinnaanngilluinnarpoq, Jesper Fleischer oqarpoq. 

Kalallit Nunaanni politiit akissarsiaat qanoq qaffatsgissappat?

- Kisitsisinik massakkut taasaqarsanngilanga. Naapertuuttuliussagaanni, taava Danmarkimeersuuneq Kalaalit nunaanneersuunerluunniti apeqqutaatinnagu, assigiimmik isumaqatigiissuteqarnissaq piumasaqaatigaarpoq.  

Københavnimi politiit akissarsiaasa qaffakkiartorneranni qaffasinnerpaamiittoq 32.398 koruunersisarpoq, kalaallillu politiivini tamanna 24.815 koruuniulluni.

AAMMA ATUARUK Assigiimmik akissarsiaqartitsinissaq politikerit qulakkeertariaqarpaat

- Politiit tjenenstemandiusut Danmarkimiittut Kalaallit Nunanniittullu qulaani oqaatigineqareersutut skalatrinnimut assigiimmik inissinneqartarput. Aningaasarsialli skalatrinnimi ataatsimi assigiinngitsuusut, allassimavoq.

- Tamanna akissarsiat akissarsianik naligiissaarinernik assigiinngitsunik marlunnik tunngaveqarnerannik pissuteqartoq, suleqatigiissitat oqaatigaat.

Tamanna pissutigalugu Kalaallit Nunaanni politiinut akissarsianik naligiissaarinermik tapeqartarnissaq isumaqatigiissutaasoq oqaaseqaammi erseqqissaatigineqarpoq.

Tapiissut taanna Danmarkimi Kalaallit Nunaannilu akissarsiat qaffasissusaannik sanileriisitsinikkut kisinneqartarpoq.

Naligiissaarinermut tapit sumiiffigisaq apeqqutaalluni tapeqartitsisarnermut aalajangerneqarpoq. Tapeq danskit politiivisa nunap immikkoortuani sumiinnerat apeqqutaalluni pissarsiarisarpaat. Københavnimi politiini sulisut qaffasissutsimi 6-imiipput Bornholmimiittullu 2-miillutik.

Nunatsinni politiinut naligiissaarinermi tapit Danmarkimi sulisup sumi sulinermut tapiinut sanilliullugu 0-imiippoq.

Qitiusumik kattuffiup CO10-p aningaasarsiat pillugit isumaqatigiinniarnerni kingullerni naligiissaarinermut tapi  nunatsinni qaffasissutsimi 2-miissasoq piumasaraa. Tamannali akuerineqanngilaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat