Ilaasortaaffissat Qaasuitsoq Kujallermi agguataarneqartut
Qaasuitsoq Kujallermi suleqatigiittussat isumaqatigiissutaat avammut saqqummiunneqarpoq.
Qaasuitsumi kujallermi Inuit Ataqatigiit Siumullu ukiuni sisamani tulliuttuni suleqatigiinnissamik isumaqatigiissutaat saqqummiunneqartoq qulequtaqarpoq "Kommuni nutaaliorluni ataqatigiissumik patajaatsumillu ingerlatsiffiusoq".
Inuit Ataqatigiit Siumullu Qaasuitsup Kommuniani Kommunimi kujallinngortussami ukiuni tulliuttuni sisamani ataatsimiititaliani siulittaasuuffissat, siulittaasullu tulliuffissat agguaanneqarlutillu suliassat pingaarnerit atsioqatigiillutik isumaqatigiissutigineqarput.
Borgmesterinngussaaq Ane Hansen, 1. viceborgmesteri siulleq Otto Jerimiassen.
Ataatsimititaliat tamarmik tallimanik ilaasortaqassapput.
AAMMA ATUARUK Ane Hansen borgmesterinngortussanngortoq
Qaasuitsoq Kujallermi borgmesterinngortitsiniarnermi partiit akunnerminni isumaqatiginniartareerlutik
Siumut Inuit Ataqatigiillu tallimanngormat unnukkut isumaqatigiissuteqarmata Ane Hansen Inuit Ataqatigiinnersoq
borgmesterinngortussanngorpoq.
Ataatsimiititaliani inuttaaffissat pingaarnerit ilaat tassaapput:
Borgmesterinngortussaq aningaasaqarnermut ataatsimiititaliami siulittaasuussaaq Siumukkut sanaartornermut avatangiisinullu ataatsimiititaliami siulittaasuuffeqassallutik.
Isumaginnineq ilaqutariinnermullu ataatsimiititaliami siulittaasuuffik Inuit Ataqatiigiinnit inuttalerneqassaaq.
