Arnapalaavaraq: Politikerit qassiiusut inoqatinut attaveqaatitigut kanngunarsagaasartut
Politikkerit arlallit inoqatinut attaveqaatini sakkortuumik allaffigitinneq misigisarpaat.
Inatsisartut sammisaq taanna oqallisigineq ajoraluarlugu pingasunngormat ataatsimiinnerminni eqqartorluarpaat.
Demokraatineersummi Nivi Olsenip nittartakkatigut oqallinnerit pissusilersuutillu kusanaatsut eqqumaffigineqarnerulernissaannut paasitsitiniaanissamullu siunnersuutaa Inatsisartut taperserpaat.
AAMMA ATUARUK - Du er grim! Tag livet af dig selv!: HH Suersaq Poulsen efterlyser forældreansvar på sociale medier
- Kingullermik ima sakkortutigisumik allagarsivunga: "Kalak arnapalaavaraq taannaqa takunissat isateruloornissarnut piareersimagina isaruloorumaarpakkit, imminoqiit illaatigeruluussavatigit ! Qaa imminoqiit taannaqa! Nuummukaqiit taannaqa!.
Paasissutissat:
Demokraatineersoq Nivi Olsen nittartakkatigut oqallinnerit pissusilersuutillu kusanaatsut eqqumaffigineqarnerulernissaannik Inatsisartut ukiakkut ataatsimiinnerannut siunnersuuteqarpoq.
inoqatinut attaveqaatini oqalliseriaasiannuinnaq tunngasumik paasititsiniaasoqasasoq taassuma siunnersuutigaa.
Inuit amerlavallaat nittartakkatigut pissusilullutik qisuariartarnermikkut ajorniartarnerat, uumissuisarnerat qunusaarisarnerallu pillugit nittartakkatigut paasisitsiniaasoqassasoq, Nivi Olsenip siunnersuutigaa.
Paasititsiniaanerup suliarinera minnerpaamik 250.000 koruuninik naleqassasoq naatsorsuutigineqarpoq.
Siumumit Inatsisartunut ilaasortaq Doris J. Jensen oqaluttarfimmi taama oqarpoq.
Siumut siunnersuumut tapersiisoq
Taassuma oqaluttuaa inoqatinut attaveqaatini nuanniitsunik allaffigineqartarnerini assersuut ataasiinnaavoq.
Toqqissisimananngitsorlu eqqaavaa. Nittartakkatigullu oqallinnerit pissusilersuutillu kusanaatsut pillugit paasitsitiniaanissamut siunnersuut Siumup taperserpaa.
Partii Naleqqameersoq Jens NapãtôK taama allagarsisarneq takornartaanngitsoq oqarpoq.
- Inuusugut illersugaavugut nikassagaasussaanata sioorasaarneqartussaanatalu. Inunnullu pineqartunut sunniutigisinnaasaat sakkortusinnaapput annertusinnaallutillu, taamaammat inuit pisinnaatitaaffitsinnik ilisimasaqarnerunissaq , nalaataqarnermi qanoq iliuuseqarsinnaanissamik ilisimasaqarnerunissaq pingaaruteqarput, Jens NapãtôK taama oqarpoq, nangillunilu:
- Uagut taamannak amerlasooriarluta pineqartarpugut kisianni oqaasertalinngiinnartarpagut.
Qanorli misigisaqarsimanerluni itinerusumik eqqaanngilaa.
Qaammarsaaneq naammanngitsoq
Nittartakkatigut pissusilersuutinik oqallinnernillu qaammarsaaneq naammanngitsoq, Isumaginninnermut, Ilaqutareeqarnermullu Naalakkersuisoq Martha Abelsen isumaqarpoq
- Akunnitsinni oqalliseriaasitta pinngitsoorani oqaasertalersornissaa naammanngimmat paasisitsiniaanissaq naammanngimmat, meerartatsinniik aallartinnissarput kissaatigaarput. Kisiannili ullumikkut atuuttoq isumersorfigisariaqarlugu, Martha Abelsen taama oqarpoq.
AAMMA ATUARUK Nivi Olsenimut toqutsinissamik sioorasaarineq pillugu eqqartuussivimmi suliassaq kinguartinneqartoq
Inoqatinut attaveqaatini pissusilunneq oqallinnermut pitsaanngitsoq taanna isumaqarpoq.
Inuit Ataqatigiillu siunnersuummut ukiukkut ataatsimiinnissami aappassaniigassamut tapersiipput.