Nittartakkatigut inuit naapittarfiini allatat tujorminarsinnanaasarput.
Qulequtarlu taanna inatsisartut ataatsimiittarfianni oqaluuserineqartussaavoq.
Isiginnaartitsisartup Hans Henrik Suersaq Poulsenip nittartakkatigut inuit naapittarfianni Tik Tok-imi videonik ikkussaminut kusananngitsunik allaffigitilluni misigisarpaa.
- Uannut allanneqarnikuni sakkortunerpaaq tassaavoq: "Imminoqiit". Allattorlu nukappiaraavoq 12-13 missaanik ukiulik,
Nunatta Isiginnaartitsisarfiata isiginnaagassiaani nuannarineqarluartumi "Angutivik"-immi isiginnaartitseqataasoq HH Suersaq Poulsen taama oqarpoq.
Nittartakkatigut inuit naapittarfianni meeqqanit inuusuttunillu nuannarineqartumit Tik Tok-imi, qitilluni ikkussisarpoq allattoqartarporlu.
Allatallu tamarmik nuannersuunngillat. HH Suersaq Poulsenimi videonik qitilluni ikussinerit tamaasa tujorminartunik allattut misigikkajuppai.
Isinnaartitsisartup oqarnera naapertorlugu pinniinnerartittarpoq.
HH Suersaq Poulsenip tujorminartunik allattoqaraangat nuannarineq ajorpai, ingerlaannarlu peertarpai, puigorniapallallugillu.
AAMMA ATUARUK Nivi Olsen: Nittartakkatigut oqallinnerit pissusilersuutillu kusanaatsut eqqumaffigineqarnerullik
HH Suersaq Poulsen tik tokimik ulluinnarni atuisuuvoq, arlaleriarlunilu nittartakkatigut inuit naapittarfiini assigiinngitsuni, inuit inoqamminnut illaruaatiginnittut igutsisullu takukkajuppai.
- Soorlu inuk ataaseq arlaannik ikkussisimappat, kammalaatini ilannguteriarlugu: ”Qivi assaa una pinniik, assaa una tinnaaq assaa una taamaattoq taamaattoq". Tamakkua takussaasorujussuusarput, HH Suersaq Poulsen oqarpoq
Nivi Olsenip nittartakkatigut oqallinnerit pissusilersuutillu kusanaatsut eqqumaffigineqarnerulernissaannut paasitsitiniaanissamullu Inatsisartut ukiakkut ataatsimiinneranni siunnersuuteqarpoq.
HH Suersaq Poulsenip Nivi Olsenimit siunnersuutigineqartoq taperserpaa.
- Soorunami pissuserissaarnissamik siunnersuisoqarsinnaasuuguni kaammattuisoqarlunilu iluassaaq, taanna taama oqarpoq.
Allattullu meeraakkajuttut taassuma maluginiarsimavai. Taakkualu angajoqqaavinut anngukkusuttarsimavai. Atuisulli angajoqqaavi kikkuunersut Tik tok-imi allaqqaneq ajoramata angussisinnaasarsimanngilaq.
HH Suersaq Poulseniinnaanngilarli tujorminartunik allaffigineqartartoq.
Aamma politikerip Demokratineersup Nivi Olsenip toqunneqarnissamik sioorasaartinneq misiginikuuaa.
Taamaammat Nivi Olsen nittartakkatigut oqallinnerit pissusilersuutillu kusanaatsut eqqumaffigineqarnerulernissaannut paasitsitiniaanissamullu Inatsisartut ukiakkut ataatsimiinneranni siunnersuuteqarpoq.
HH Suersaq Poulsenip siunnersuut taperserpaa.
- Nunatsinni nakkarsaanersuaq uparuartuinersuaq qinngasaarisarnersuarlu assut atuuppoq, meeraappata inersimasuuppata utoqqaappataluunniit.
- Soorlu inuk ataaseq arlaannik ikkussisimappat, kammalaatiminnik ilanngussisoqariarluni allattoqartarpoq: ”Qivi assaa una pinniik, assaa una tinnaaq assaa una taamaattoq taamaattoq". Tamakkua takussaasorujussuusarput, HH Suersaq Poulsen taama oqarpoq.
Siunnersuutip Inatsisartut ukiakkut ataatsimiinneranni novembarip ulluisa aqqarnani oqaluuserineqarnissaa pilersaarutaavoq.