Aasiaat Sunngiffimmi aalisartut saarulliit pissarsissutiginerusaleraat

Saarulliit Polar Raajat Aasianni tunitsivianut tulaanneqartut kiilumut akii aalisartunut tamanut assigiilerput. Polar Seafoodimi siulersuisut siulittaasuat Henrik leth, KNR-imut taama ilisimatitsivoq.

Allattoq Mads Lynge

aggustip 09-at 2017 15:51

Polar Raajat Polar Seafoodimit pigineqartoq Nuummi Aasiannilu tunitsiveqarpoq, Polar Raajallu pisortaata Jan Weinreichip KNR-imut ilisimatitsissutigaa saarulliit kiilumut akii tulaassisunut tamanut maanna 8 koruuniulersoq.

Saarulliit tulaanneqartut akii inuussutissarsiutigalugu aalisartunut sunngiffimmilu aalisartunut assigiinnginnerat, sunngiffimmi aalisartartut isornartorsiorpaat, sunngiffimmimi aalisartut kiilumut 4 koruuninik pissarsisaraluarput, maannali 8 koruuninik pissarsisalerlutik.

AAMMA ATUARUK Nunatta pingaarnertut inuussutissarsiutai akikillisut

Polar Raajat Aasianni tunitsiviat ulloq unnuarlu sulisoqartoq, Jan Weinreichip oqaatigaa, inuussutissarsiutigalugulu sunngiffimmilu aalisartut saarullinnik qaqugukkulluunniit tulaassisinnaapput.

- Saarulliilli tulaanneqartut pitsaasuunissaat pingaarnerpaavoq, Polar Raajat pisortaa Jan Weinreich, KNR-imut oqarpoq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.