Nunatta pingaarnertut inuussutissarsiutai akikillisut
Saarulliit akigissaarnerupput, raajalli qalerallillu iluanaarutiginikinnerusut, Naatsorsueqqissaartarfiup kisitsisaataasa nutaat takutippaat.
Allattoq Mads Pedersen
juulip 14-at 2017 13:02
Nutserisoq Connie Fontain
Qalerallit raajallu ukiuni kingullerni akitsoriartorsimapput. Tamanna nunatta karsiani naatsorsuisoqareeraangat takusinnaalluartarparput. Tamannali maannamut killeqarpoq. Raajat akii ukioq kingulleq 6 procentimik apparpoq. Qalerallillu akii ukioq manna qaammatit pingasut siulliit ingerlaneranni 10 procentimik apparsimallutik.
Taamaakkaluartorli saarulliit akii qaffassimapput. Salerallit 2016-ip aallartinnerani agguaqatigiissillugit akii 2017-ip aallartinneranut sanilliukkaanni 8 procentimik qaffassimapput.
Alisakkat nunanut allanut tunineqarnerini akerititaasut aallaavigalugit Naatsorsueqqissaartarfik naatsorsuisimavoq. Kisitsisit uani takuneqarsinnaapput.
