Inuussutissarsiutit

Imermik nunatsinneersumik tunisassiulersinnaaneq pilersaarutaasoq

Greenland Investip imermik imigassanillu aalakoornartutalinnik avammut tunisassiorsinnaanermik misissuinissamut aningaasanik tapiiffigineqassaaq.

Allattoq Jonas Løvschall-Wedel

juulip 01-at 2016 11:45

Nutserisoq Bikki P. Kleist

Nunatsinneersumik imermik tunisassiulersinnaanneq, Greenland Investimit neriuutigineqartoq, suliffeqarfimmi siulittaasoq, Svend Hardenberg oqarpoq, taanna erseqqissaalluni oqarpoq, suliniut Imivimmut attuumassuteqanngimmat.

Aamma atuaruk Nunani allamiut issittumi aningaasalersuinissaq pilerngukkaat

Suliniummi nutaami isumalluarfigineqartumilu umiarsuit assartuisoralugit nunarsuarmut tunisassiulernissaq siunertaavoq. Imeq assartorneqartoq, imeqarsinnaasaaq, eqqiaanermut uffarnermulluunniit atorneqarsinnaassalluni.

Taamatullu suliniuteqarneq Naalagaaffiit Peqatigiinnit misissuinerit naapertorlugit ukiuni qaninnerni soqutigineqarluassangatinneqarpoq.

Imeq illoqarfiit ungasissuani maqinneqartassasoq, suminngaanniissanersorli, Hardenbergip oqaatigiumanngilaa.

Maqitsisoqartalissappalli sanaartornermut aningaasartuuterpassuussapput, innaallagissatigut aqqutit, atortut umiarsuillu assartuisinnaasut tikissinnaasaanni sanaartortoqartariaqassammat.

Aamma atuaruk Imivik tunisaasinnaanngortoq

Suliniut ukiut arlallit pilersaarutaalerpoq, suliniullu Greenland Investip Danmarkimi aningaasaqarnikkut siunnersuisarfianut nassiunneqarsimalerpoq.

Imermik assartuilluni tunisassiulernissaq soqutigineqarluarpoq, qularinngilluinnarparpullu suliniummut pitsaasuummat soqutigineqarluassasoq, Hardenbergi oqarpoq.

- Siunissaq ungasinnerusoq isigalugu Asia tikillugu tunisassiulersinnaanneq takorluukkanut aamma ilaasoq, Hardenberg oqarpoq.

Aamma atuaruk Nanoq Beer akileraarutitigut akiitsorpassuaqartoq

Greenland Invest Greenland Businessimit siunnersortinnermut marloriarluni 50.000 koruuninik aningaasaliisoqarnissaanik ilimasaarutigineqareerpoq.