Pitsanngorsaasoqarnissaa Nakorsat peqatigiiffiannit ujartorneqarpoq
![](/sites/default/files/styles/image_934x467/public/article_images/laegeklinikken_nuuk_foto_simon_uldum.jpg?itok=oNtk7Cw3)
Sulisut amerlanerulernerinik ataavartumillu sulisoqarniarnermut iluaqutaassasoq Nakorsat Peqatigiiffiannit Ivalu Spange Frederiksen oqarpoq.
Napparsimaveqarfinni nakorsat peqqissaasullu taarseraattorujussuupput. Sulisunullu atugassarititat iluarsiiviginerisigut aaqqinniarneqarsinnaasorineqarpoq.
- Avatangiisii aaqqinneqamisaarsinnaasuuppata pitsaanerulersinnaassagaluarpoq, Ivalu Spange Frederiksen oqarpoq, sulisullu amerlinerisigut sulinerup sunniuteqarlualersinnaanera aamma oqaatigaa.
AAMMA ATUARUK Peqqinnissaqarfiup ukkanneqarnerulernissaa Peqqinnissaqarfimmi sulisut ujartoraat
Peqqinnissaqarfiit ukiumut aningaasarpassuarnik aningaasaliiffigineqartarnerat eqqartorneqartarnerarpaa. Taannali naapertorlugu aningaasaliissutit sullitanut atorneqartarneri nunani allanisut ipput. aningaasammi allanut atorneqartarmata.
Ilaatigut angallannermut, sullitallu illoqarfimmut allamut misissortikkiartortarneri aningaasartuutaasorujussuupput.
- Amerlanerillu immaqa napparsinnaallutik taakku toqqaannartumik.
Peqqinissaqarfiit qanoq pitsanngorsaavigineqarsinnaaneri Nakorsat Peqatigiiffiannit apeqqutigineqarpoq.
Qineqqusaarnermi nunatsinni peqqinnissaqarfiit pillugit oqallinnerusoqarnissaa Nunatsinni peqqinnissaqarfiit ataatsimoorlutik ujartuinertik oqariartuutigereerpaat. Taamatuttaaq peqqinnissaqarfinni sulisunut pitsaanerusunik atugassaqartitsisoqalernissaa ujartorneqarluni.