Pilersuisoq: Corona Ukrainemilu sorsuttoqarnera akinik qaffatsitsivoq
Pilersuisup akinut allattorsimaffianni kukkusamik nalunaarsuisoqarsimanera peqqutigalugu, manniit arfinillit akiinut naqqiuteqarpugut, manniit arfinillit 21,95 koruuninik akeqarput 29,95 koruuninik akeqanngillat.
Brugsenimut pilersuisumulluunniit igaassarsiniaraangavit akiliutigisartakkavit qaffannera malugiviuk?
Tamanna peqqutissaqarluarpoq.
AAMMA ATUARUK Ataatsimut isigalugu: Nioqqutissat qulit uku akitsornerpaapput
Nunarpummi tamakkerlugu pisiniarfinni soorlu Pilersuisuni nioqqutissat amerlasuut akii qaffariarput.
Pilersuisumi nioqqutissat akiisa qaffannerat Pilersuisumi pisortap, Brian Weuge Chemnitzip, ima nassuiaateqartippaa:
- Nunarsuarmi pisut pissutaapput. Siullermik coronavirusip ajornartoortitsinerani, nunarpassuarni tunisassiorneq unippoq. Tamatuma saniatigut assartuinermi akit 1000 procentimik qaffapput.
- Kingorna Ukrainemi sorsunnerup malitsigisaanik nerisassat uuliallu akii qaffarujussuarput. Taamaattumik nioqqutissiassat akiisa uuliallu akiata qaffanneri taakkuninnga pissuteqarpoq.
AAMMA ATUARUK Larsine Frederiksen: Nioqqutissat akitsungaarmata pisiarisartakakka allanngortippakka
Inuussutissat arlalinnik peqquteqartumik akitsortarput, ingammilli ikummatissat akitsornerannik peqquteqartumik akitsortarlutik.
Uulia akitsoraluttuinnarpoq, ingammik Ruslandip Ukrainemut saassusinerata kingorna.
Tamannalu nioqqutissanik nunatsinnut assartuititsinermi akigititamut sunniuteqarpoq.
Kingunerisaanillu nioqqutissat aalajangersimasut akitsuutaat qaffasinnersut, Brian Weuge Chemnitz oqarpoq.
Manniit arfinillit Davameersut: Januaarimi 19,95 kr. - maanna: 21.95 kr.
Makkariina siatsisissaq Rema 1000-meersoq, 500 g: Januaarimi 10,95 kr. – maanna 15,95 kr.
Qallersuut Salami Gølimeersoq 250 g: Januaarimi 24,95 kr. – maanna 34,95 kr.
Makkariina siatsisissaq Omameersoq, 500 g: Januaarimi 21,95 kr. - maanna 29,95 kr.
Qallersuutissat Rullepølset Pålækkerimeersut, 90 g: Januaarimi 21.95 kr. – maanna 28.95 kr.
Tusarfik: Pilersuisoq
- Pingaartumik nunaatillit nioqqutissiaat, soorlu neqit, manniit immunnillu nioqqutissiat akitsornerpaaneri maluginiagassaavoq. Nunaatilinniit nioqqutissiat siuliani taariikkama suliarinerisa akitsornerini nioqqutissat akisunerulerput.
Akit Brugsenimit malugineqangaatsiartut
Brugseni nioqqutissanik noqqaanerusalersimanngikkaluarluni tamatumunnga siorna qaammatini arfineq-marlunni aningaasartuutigisamininngarnit ukioq manna 4 millionit koruunit missarluinnangajaanik aningaasartuuteqarnerulereersoq, Brugsenip tuniniaanermi pisortaa, Jes Nyborg KNR-imut nassuiaavoq.
Pilersuisumili nioqqutissat akiinik qaffaaqqinnissaq pilersaarutaanngikkallartoq, Pilersuisup pisortaa oqarpoq.
- Nioqqutissat akitsornialeraangata nalinginnaasumik pisiortorfitta qaammatit marluk pingasut sioqqullugit ilimasaarutigisarpaat, taamaattunilli tigusaqarnikuunngilagut. Akit qaffaqattaaneri soorlumi unikkiartulersut.
Nuummi Brugseni:
- Naasortat naasuusartallit: Januaarimi: 119 kr. – Juulip aallaqqaataani: 189 kr.
- Pølsi Frankfurter, pujuugaq aamma nammineq sanaaq, 1 kg: Januaarimi: 79,90 kr. Juulip aallaqqaataani: 99,90 kr.
- Nersussuup neqaa aserortigaq, 1 kg: Januaarimi: 84,90 kr. Juulip aallaqqaataani: 99,90 kr.
- Nersuteeraq/puulukimineq aserortigaq: Januaarimi: 74,90 kr. Juulip aallaqqaataani: 89,90 kr.
- Nipinneqqut, Sekundlim, 4,5 g: Januaarimi: 29,95 kr. Juulip aallaqqaataani: 44,95 kr.
- Rødvin Faustino, 75 cl: Pris i januar: 229 kr. Pris 1. juli: 239,95 kr.
- Mellemlagret ost fra Danbo, 750 g: Pris i januar: 59,95 kr. Juulip aallaqqaataani: 69,95 kr.
- Savap neqaa suppaliassaq Neqimeersoq, 1 kg: Januaarimi: 109,90 kr. Juulip aallaqqaataani: 119,90 kr.
- Medisteri nammineq sanaaq, 1 kg: Januaarip aallaqqaataani: 69,90 kr. Juulip aallaqqaataani: 79,90 kr.
- Medisteri aserorteqqissaagaanngitsoq, 1 kg: 69,95 kr. Juulip aallaqqaataani: 79,90 kr.