VIDEO Piiaavissap suliffinnik pilersitsisinnaanera neriuuteqalersitsisoq
![](/sites/default/files/styles/image_934x467/public/oembed_thumbnails/2022-12/8lY67NitYcwO-5v0MZnCvp4FtFef3TfeNM4UF7Tqg2o.jpg?itok=L1AnqMR9)
Suliniutip suliffinnik pilersitsisinnaanera Qaanaami neriuuteqalertitsivoq, allallu sumiiffiup piiaavigineqarneratigut mingitsitsoqarsinnaanera ernumassutigaat. Aatsitassarsiorfissarlu illoqarfinni qaninnerpaagamikku suliffissaqartitsisinnaanera naatsorsuutigaat.
- Aap, neriuuteqarpugut, Arrutaq Kujaukitsoq KNR-imut oqarpoq.
Aamma atuaruk Randi Vestergaard Evaldsen: Qaanaaq inerisarneqassaaq
Aamma atuaruk Naalakkersuisunut kajumissaarut: Narsaliaritsi
Ironbarkilli piaaviata inuussutissarsiutiminnut qanoq sunniuteqarsinnaanera aalisartut ernumassutigaat.
- Piniarneq aserorneqarluinnarsinnaavoq, kulturitoqarsuarlu sequmilluarneqarsinnaalluni, Marius Didriksen taama isumaqarpoq.
Piniakkat ilaat upernaakkut avannaarsuanukarsinnaasarput, aqerlumillu zinkimillu piiaavissaq qanillattoratarsinnaallugu. Tappavaniisinnarlutillu ukialeriartornerani utersaartarlutik. Taamaalinerani sarfaq annertoorujussuaq ukiakkut pinngortarpoq, taamaalineranilu minguit assigiinngitsorpassuit saqqummeralersinnaasarlutik, Marius Didriksen oqarpoq.
Aamma atuaruk VIDEO Qaanaami palasi
Aamma atuaruk VIDEO Qaanaami innuttaasut napparsimaviup matoqqasarnera toqqissisimanngissutigaat
Inughuarnut tamanna kingunerlutsitserujussuarsinnaavoq.
- Qilalukkat nannullu tingummikkut ajoqusersinnaapput, taamaasillutillu uagutsinnut nerisassaajunnaarlutik, Marius Didriksen oqarpoq. Qaanaap piniartui mingutseriataarnerani qanoq kinguneqarsinnaanersoq, apeqqut suli akineqanngitsoq amigaatigaa.
Kisianni Arrutaq Kujaukitsup suliffissaqartitsisinnaaneq isiginiarneruaa neriullunilu Ironbarkip piiaavia Qaanaami suliffissaaleqinersuaq aaqqiiffigissagaa, innuttaasut tallimararterutaat suliffissaaleqisuummata.