Oqaaseq "Naalagaaffeqatigiit" atorneqarunnaartariaqartoq Pele Broberg isumaqarpoq.Assi: KNR

Pele Brobergip kikkut nunatsinni qinersisinnaatitaassanersut oqallisigineqartariaqarsoraa

Europamiusut, kangianeersutut nunanilluunniit allanit tunuliaquteqartut assersuutigalugu nunatsinni innuttaasunut taasititsinerni qinersisinnaatitaassanersut nunanut allanut naalakkersuisup Pele Brobergip oqallisigineqartariaqarsoraa. Oqaaseq "Naalagaaffeqatigiit" aamma atorneqarunnaartariaqarsoraa.

Oqaaseq "Naalagaaffeqatigiit" atorunnaartariaqartoq, Pele Brobergip Danmarkimi aviisimit Berlingskemit apersorneqarluni oqaatigaa. Taarsiullugu "Danmarkip naalagaaffia" atorneqartariaqarsoraa.

Nunatsinni innuttaasut siunissami taasitinneqassagaangamik kikkut assersuutigalugu nunatta namminiilivinnissaanut taasititsinermi taaseqataasinnaassanersut oqallisigineqartariaqarsoraa:

- Thailandimiut, Danmarkimeersut, tuluit, Frankrigimeersut, Spaniamiut, allalluunniit nunatsinni najugallit nunatta namminiilivinnissaanut taasititsinermi peqataanissamut pisinnaatitaaffeqanngitsut ersarippoq, Pele Broberg Berlingskemut oqarpoq.

AAMMA ATUARUK Den arktiske Kapacitetspakke: Pele Broberg trækker i land

Nunaniilluunniit allanit tunuliaquteqartut, nunatsinnilu sivisuumik najugaqarsimasut pissutsinut assigiinngitsunut isummersorsinnaasut paasisinnaavaa.

Naalagaaffeqatigiinni nunat pingasut, Danmark, Kalaallit Nunaat Savalimmiullu pillugit oqallinnermi Pele Broberg aasaq manna arlaleriarluni oqaaseqartareersoq, Pele Broberg Berlingskemut maanna aamma oqaaseqarpoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat