Pele Brobergip kikkut nunatsinni qinersisinnaatitaassanersut oqallisigineqartariaqarsoraa
Oqaaseq "Naalagaaffeqatigiit" atorunnaartariaqartoq, Pele Brobergip Danmarkimi aviisimit Berlingskemit apersorneqarluni oqaatigaa. Taarsiullugu "Danmarkip naalagaaffia" atorneqartariaqarsoraa.
Nunatsinni innuttaasut siunissami taasitinneqassagaangamik kikkut assersuutigalugu nunatta namminiilivinnissaanut taasititsinermi taaseqataasinnaassanersut oqallisigineqartariaqarsoraa:
- Thailandimiut, Danmarkimeersut, tuluit, Frankrigimeersut, Spaniamiut, allalluunniit nunatsinni najugallit nunatta namminiilivinnissaanut taasititsinermi peqataanissamut pisinnaatitaaffeqanngitsut ersarippoq, Pele Broberg Berlingskemut oqarpoq.
AAMMA ATUARUK Issittumi piginnaasaqalernissamut isumaqatigiissut: Pele Brobergip isummani qasukkaraa
Nunaniilluunniit allanit tunuliaquteqartut, nunatsinnilu sivisuumik najugaqarsimasut pissutsinut assigiinngitsunut isummersorsinnaasut paasisinnaavaa.
Naalagaaffeqatigiinni nunat pingasut, Danmark, Kalaallit Nunaat Savalimmiullu pillugit oqallinnermi Pele Broberg aasaq manna arlaleriarluni oqaaseqartareersoq, Pele Broberg Berlingskemut maanna aamma oqaaseqarpoq.
