Issittumi piginnaasaqalernissamut isumaqatigiissut: Pele Brobergip isummani qasukkaraa
Naalagaaffeqatigiit tassa nunarput, Savalimmit Danmarkilu sapaatit akunnerata siuliani ataatsimeeqatigiittussanngormata, issittumi piginnaasaqalernissamut isumaqatigiissummut akerliulluni ersarissumik oqariartuuteqarpoq.
- Uagut annerusumik oqaasertalersinnaanngilarput, Danmarkimi pilersaarutigisimasaat, Pele Broberg oqarpoq.
Maannali oqaatigaa danskit naalagaaffiata issittumi piginnaasalernissamut isumaqatigiissusiaat naalakkersuisut suli isummerfiginngikkaat.
- Tunngaviusumik uanga Danmarkimut oqariartornikuunngilanga akuersinerlunga akerlerinerluguluunniit, taanna oqarpoq.
AAMMA ATUARUK Ataatsimiititaliap akuutinneqarnissaq amigaatigaa Pele Brobergilu siunersiuinissamut aggersarlugu
Illersornissaqarfik Issittumi Atlantikullu Avannarpasissuani issittumi piginnaasaqalernissamut danskit isumaqatigiissusiaat, februaarimi Folketingimit akuerineqarpoq.
Partiit, Danmarkimi, nunatsinni Savalimmiunilu immikkut isumannaallisaanermik illersornissamullu politikip issittoq atlantikullu avannarpasissortaa akisussaaffigilissagaat tassani isumaqatigiissutigaat.
Illersorsinissamulli ministerimut, Trine Bramsenimut, Kalaallit nunaata Savalimmiullu isumaqatigiissummut tapersiinissaat pingaarpoq.
- Illersornissamut ministereqarfik kalaallit savalimmiullu oqartussaannik qanimut oqaloqatiginnippoq, taakkuaalu akissuteqarnissaannut qanimullu suleqatrigeqqinnissaannut qilanaarpoq, taanna allappoq.
Siunnersuut misissorluaraa
Nunarput Danmarkilu tamanna pillugu suli oqaloqatigiittut, tassalu suli inerniliisoqanngitsoq, Pele Broberg oqarpoq.
- Uagut tunngaviusumik misissorlugit ingerlapparput. Suli uanga innersuussinikuunngiivippunga naalakkersuisoqatinnut qanoq inissikkumaarnerluta. Danskit illersornissamut ministerianut suli isumaqatigiinniaratta.
AAMMA ATUARUK Siumup Pele Broberg mianersoqqugaa: Avissaartuutitseqinak
Naalagaaffeqatigiinneq eqqarsaatigalugu issittumi atlantikullu avannaani illersornissamut isumaqatigiissummi nutaami aningaasat 1,5 milliardit koruunit danskit naalagaaffiata atorusuppai.
