Paul Watsonip tigusarineqarneranik suliaq illersuisuisa eqqartuussiviit qullersaannut ingerlateqqinniaraat
![](/sites/default/files/styles/image_934x467/public/2024-08/20240815-142912-L-5436x3366ma.jpg?itok=1XxqN2L3)
Avatangiisinik illersuiniartup Watsonip tigummigallagaanera Højesteretip qimerluussagaa illersuisut kissaatigaat.
Illersuisuisa ilaata Julie Stagep tamanna ilisimatitsissutigaa.
Eqqartuussivimmut qaffasinnerusumut ingerlateqqinnissaa anguniarlugu taassuma illersuisuisalu sulianik ingerlatitseqqiinissamik aalajangiisartunut qinnuteqaatiginiarpaa.
Watsonip Nuummi tigugimmigallagaaginnarnissaata sivitsornissaa Nunatta Eqqartuussisuuneqarfiata marlunngormat Kalaallit Nunaata Eqqartuussisoqarfiata aalajangigaa naqissuserpaa.
Tamanna septembarip tallimaata tungaanut atuuppoq.
Paul Watson Nuummi juulip 21-ianili tigusaanermi kingorna Kalaallit Nunaanni juulip 22-anili Nunaanni tigummigallagaavoq.
Tigusarinninneq pivoq Japanimi Watsonimik tigusarinneqqussineq tunngavigalugu.
Tigusarinneqqusineq Japanimit 2012-imi nalunaarutigineqarpoq 2010-mi pisoq tunngavigalugu, japanimiut taamani Sikuiuitsoq Kujallermi arfanniarput.
Avatangiisit pillugit suliniuteqartoq Canadami USA-milu innuttaassuseqartoq arfannianik saassussisimasutut arfanniallu sulinerannik ajoqusersuisutut pisoq, Japanimi oqartussat isumaqarput.