Ilinniartunut inissianik sanaartortoqalersoq
Kujataani ilinniarnertunngorniarfimmi Campus Kujallermi, Niuernermut Ilinniarfimmi, Qaqortumi ilinnniartut katillutik 400-it missaaniittarput. Ilinniartunullu inissiat maannakkut 300-it missaanniimmmata inissarsiortunik saaffiginnittoqartuartarpoq.
- Saaffiginnillattaasarput. Ullut tamaasaanngikkaluarpoq kisianni periarfissaqaraangamik sukkulluunniit inissarsiortoqartuaannarpoq, Qaqortumi kollegiani pisortaagallartoq Augusta Egede oqarpoq.
Ilinniartunut ineeqqat 40-it najugaqarfigineqarsinnaanngillat, Augusta Egede oqaluttuarpoq.
- Ilinniartunut ineeqqat oquqalersimapput ilinniartullu kollegiani najugaqartut sapigaqalersimapput Augusta Egede oqarpoq.
AAMMA ATUARUK Ilinniartut inaat napparsimasunut atorneqassapput
Qaqortumilu ilinniagaqartut inissiaanik sanaartortoqarnissamik pilersaaruteqartoqartoq, Ilinniartitaanermut naalakkersuisup Doris Jakobsenip oqaatigaa, sanaartornissamullu pilersaatutit aallartinneqartut uppernarsarlugu.
- Sanaartornissat aallartisarneqarput. Kommune Kujallermik oqaloqateqarnerit aallartinneqareerput. Sanaatornerit siulliit ukiamut aallartisarneqarnissaat naatsorsuutigineqartoq, Doris Jakobsen oqarpoq.
Qaqortumi kollegiet sananeqartussat sumiissanersut qanorlu isikkoqassanersut massakkut saqqummiunneqarsinnaangikkaluartoq qanoq ittuussanersut qulakkeerneqareersimavoq
- Ilaatigut meeralinnut kisimiittunut, taavalu aamma ataatsimoorluni ilinniartunut inissiat sanaarlugit aallartinneqassapput.