Nuup eqqaani qaleralittassiissutit nalornissutigineqartut

Nuup eqqaani aqutsiveqarfinnik pilersitsisoqassaaq, qaleralittassissoqassallunilu. Qanorli annertutigisunik pisassiisoqassanersoq suli nalornissutigineqarpoq.
Nuup eqqaani aqutsiveqarfimmik pilersaarut malillugu januaarip aallaqqaataani pilersitsisoqassaaq Efter planen skal der oprettes.
novembarip 02-at 2019 12:50

Aalisarnermut, piniarnermut nunalerinermullu naalakkersuisoq nutaamik nalunaarusiornermini aqutsiveqarfinnik nutaanik pilersitsinialerpoq, taamaalillutik aqutsiveqarfiit katillutik arfineq-pingasunngussapput.

Tamatuma nassatarisaani Nuup Kangerlua kangerluillu allat aqutsiveqarfeqalissapput. Tamanna siornatigut siunnersuutigineqareerpoq. Jens Immanuelsenillu kissaataa malinneqarpat januaarip aallaqqaataaniit atuutileriissaaq.

AAMMA ATUARUK Aqutsiveqarfiit amerlanerit atulersinniarneqarput

Nuup Kangerluani qalerallit 1100 tonsit missaanniittut ukiuni kingullerni marlunni tunineqartarput.

Nuup Kangerluani aqutsiveqalissappat pinngortitaleriffimmiit innersuussutigineqarpoq qalerallit ukiumut 500 tonsip pisassiissutigineqassasut. Siunnersuulli ukiunik tallimanik pisoqaassuseqarpoq, taamaammat Naalakkersuisut siunnersuutinik nutaanik utaqqipput.

AAMMA ATUARUK Pisassiiffiunngitsuni 78 millionit aalisarneqartut

Pinngortitaleriffik aalisarnermut naalakkersuisoqarfillu naapertorlugit inassuteqaaatit nutaat sapaatip akunnerini aggersuni saqqummiussissapput.

Pinngortitaleriffik aqutsiveqarfissani Nuummi, Sisimiuni, Paamiuni Qaqortumilu inassusiussapput.