Nutaarsiassaqartitsivik: USAp Kalaallit Nunaanni amerlanerusunik radareqarnissaq kissaatigaa
Kalaallit Nunaanni amerikamiut radarii amerlanerussapput.
Internettikkut nutaarsiassaqartitsivik Altinget Arktis taama allappoq Wahingtonimi illersornissamut minitereqarfimmi Pentagon-imi ataatsimiinneq tunngavigalugu.
Radari NATOp immamik nakkutilliineranut iluaqutaassaaq, Pentagonimit oqaaseqartartoq oqarpoq:
- Russit aalaniarnerulernerat ilutigalugu suunersut aamma sulerinersut ilisimassallugu pingaarneruleraluttuinnarpoq. Aamma Kinamiut Qalasersuaq Avannarlikkut sikup aakkiartornera ilutigalugu umiartukulanerulissanersut nakkutigissallugit taama pingaartigaaq, oqaaseqartartoq oqarpoq.
AAMMA ATUARUK PET: Ruslandimit aamma Kinamit kilitsissiat Kalallit Nunaannut aarlerisaarutaapput
Altinget Arktis naapertorlugu aasaru misissugassaq tikillugu misissuisoqassaaq. Kisianni nutaarsiassaqartitsiviup Kalaallit Nunaanni sumi misissuisoqassanersoq nalunaarutiginngilaa.
Oqaaseqartartup erseqqissarpaa pisussat tamarmik Kalaallit Nunaat Danmarkilu qanimut suleqatigalugit ingerlanneqassasut.
Tilbage i 2018-imi amerikamiut illersornissamut ministereqarfiata Kalaallit Nunaanni timmisartunut mittarfissanik nutaanik aningaasaliinissamut soqutiginnipput. Kisianni Namminersorlutik Oqartussanit soqutigineqanngilaq, Pentagonip oqaaseqartartua Altinget Arktis-imut oqarpoq.
Taarsiullugu amerikamiut massakkut radarimit nakkutilliinissaq soqutigineruaat, taamaliornikkut aamma Kalaallit Nunaata imartaani unioqqutitsilluni aalisarnerup umiarsuillu takornariartaatit nakkutiginerannut iluaqutaassaaq, Altinget Arktis allappoq.