Ilinniartut: Nunatsinni politikki toriippoq
Ilisimatusarfimmi ilinniartut ilaannit Partii Naleqqap naalakkersuisooqatigiinnit ippassaq tunuarneranut tunngatillugu iliuusaat oqippallaarsorineqarpoq.
- Arlaatigut naaperiuteqarsinnaasorigaluarpara, oqippallaaqaaq ullumikkut politikkimi ingerlatsinermi isumaqataanngittoqarpat imaluunniit arlaatigut akimmiffeqarnerinnarmi unittariaqavinneq, tunuartariaqavinneq politikkikkut massakkut ingerlatsisut atorpallaarpaat. Politikerigut massakkut narrajavallaaqaat.
AAMMA ATUARUK Partii Naleraq Naalakkersuisooqatigiinnit peqataajunnaartoq
Ilisimatusarfimmi upperisarsiornermi ilisimatusartoq, Kajpeter Møller-Heinrich oqarpoq.
Aammattaq tusagassiortunngorniat ilaata Siumut naalakkersuisuuginnassanersoq apeqquserlugu oqariartuuteqarpoq.
- Eqqarsarluartoqarsinnaavoq aamma allaanerusumik iliortoqarsinnaavoq. Siumup kukkussutigippagu taanna immaqa ilinniarfigilaarnerussavaat naalakkersuisuujunnaarallalaarnertik eqeersaatigalugu, Kaaleeraq Møller Andersen, oqarpoq.
AAMMA ATUARUK Partii Naleraq uani naalakkersuisooqataajunnaarpoq
Taamaattorli ilinniartut ilaat isumaqarpoq politikerit issiaqatigiillutik isumaqatigiissinnaalertariaqartut:
- Suliamik kivitsisinnaanerat immaqaluunniit kivitserusunnerat akisussaaffimmillu tiguserusunnerat ilaannikkut apeqqusernartarpoq. Uffa massa nalunngereerlugu annertoorujussuarmik kivitassaqarlutik, Ilisimatusarfimmi nutserisunngorniartoq Naja-Vivi Mikaelsen oqarpoq.
