Qulaarpaa Nunatsinni innuttaasut naligiimmik periarfissaqanngillat

Nunaqarfimmiorpassuit ilinnialernissaminnut periarfissalunnerupput. Naammaginartumik piareersarneqarsimasanngillat atuarnerminnillu naammassisaqarnissartik ajornakusoortittarlugu.

Nunatsinni innuttaasut naligiimmik periarfissaqanngillat. Aningaasaqarnermut Siunnersuisoqatigiit nalunaarusiaanni tamanna takuneqarsinnaavoq, periarfissatigullu assigiinnginneq ilinniartitaanermi peqqinnissaqarnermilu piviusuuvoq ersarilluinnartoq.

Piviusoq tamanna, isumaginninnermut siunnersortip, Palle Lennertip inuusuttut kajumissuseqalersinniarlugit nunaqarfinnut angalasarnermini naammattoortuarpaa.

- Nunaqarfinni ilinniartitaanikkut periarfissat annikitsuaraararsuupput. Nunaqarfinni arlalissuarni periarfissaqanngiivipput., isumaginninnermut siunnersorti, Palle Lennert NUIKI-mi suliniaqataasoq KNR-imut taama oqarpoq.

 

Periarfissaaleqisut

Illoqarfinni ilinniarfissat illoqarfimmiunit ilinniarfigineqartartut,
taamatullu nunaqarfimmiut ilinniaqqinnissaminnut piareersimasanngitsut, ilinnialeraluarlutillu angerlaqqiinnartartut ilaatigut taassumap oqaatigaa.

Nunaqarfinnut uteqqittartut amerlingaluttuinnartut, taamatullu periarfissalussingaluttuinnartut, Lennert oqaluttuarpoq.

Aamma atuaruk Nunaqarfiit 18-it inueruteratarsinnaapput

- Imaappoq inuusuttut 20-t  nunaqarfimmut uterunik, immaqa ataaseq kisimi periarfissinneqarsinnaavoq.

 

Periarfissat assigiinngitsut

Nutaajunngilaq nunatsinni periarfissaritinneqartut assigiinnginnerat. Nunatta annertunerujussua isorartunerujussualu peqqutaallutik taamaattuaannarsimavoq.

Avannaani nunaqarfimmi interneteqarniarneq akisuneruvoq, Itillimilu Pilersuisumi pisiassat ikinnerujuaannarput, Nuummi Centerip Pisiffiani amerlanerungaartut. Tamanna akuerineqarsimavoq kiffartuussinissamullu isumaqatigiissutini allassimalluni.

Læs også 11 Nuiki-elever bestået med bravour

Læs også Unge bygdeboere skal have disciplin til at gennemføre uddannelser

Peqqinnissaqarfiulli ilinniartitaanerullu iluani assigiinngitsunik periarfissaqartitaaneq, inuiaqatigiit atugarissaartuunissaannut anguniakkap killormoortorilluinnaraa, Aningaasaqarnermut Siunnersuisoqatigiit nalunaarusiaanni atuarneqarsinnaavoq. Siunnersuisoqatigiillu nalunaarusiaminni ima apeqqusiipput:

- Kiffaanngissuseqarluni najugaqariaaseqarnissaq akuersaarneqarsinnaava, tassa innuttaasut allat atugarissaartuunermi tunniuttakkanik inuunermilu atukkanut qitiusutut pineqartartunik pissarsisarnerat assigalugu inuit ilaasa pissarsisinnaannginnerannik kinguneqartussaq?

 

Pisassiineq aaqqiissutaanngilaq

Inuusuttulli qanoq ingerlariaqqinnissaat imaaliallaannangassanngilaq, Palle Lennertilu malissagaanni ajornartorsiut aaqqinneqarsinnaanngilaq aalisakkat pisassiissutigineqartut amerlinerisigut.

- Eqqaanngitsoorusunngilarput inuusuttut amerliartuinnartut aalisarneq piniarnerlu qinernissaa tunuarsimaarfigiartulernikuugamikku ukiuni kingullerni.

Nunatsinni nuttarneq pillugu Qulaarpaa sisamanngorpat oqallitsitsissaaq. Kalaallisut nal. 19.30, qallunaatullu nal. 20.30 aallakaatinneqassalluni.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat