Nunarput Presselogenimi sammineqartoq
Saqqummiisup Jens Gaardbop ujartorpaa, ajunaarnersuaqarmat qallunaat tusagassiortut arlallit sooq najuusimannginnersut.
- Eqqaamavara Roskildip kangerluani imaq pisarnermit ulilaarmat, tamatumami kingunersaanik nuallattoqanngilarluunniit, ujanili nunaqarfimmi inuit sisamat ajunaarsimassangatinneqarput nunaqarfiillu marluk eqqugaallutik, taava sooq pisoqarfimmiinngilavut.
Tikinniarneq ajornartoqAAMMA ATUARUK Qaqqap qaartinneqarnissaa isumassarsiatsialaanngitsoq
TV 2 NEWS-imi aaqqissuisuunerugallartup, Ulla Porsip nassuerutigaa pisut pillugit samminnittoqarnerusinnaagaluartoq, tassanngaannarli pisoqartillugu Kalaallit Nunaata avannaanut tikinniarneq ajornarnerarpaa.
- Tikinniarsimassagaluarpugut kingusinaareersimassaagulli.
Ungasigineqartoq
Aviisimit BT-mit tusagassiortup TV2-meersoq iluatsinngitsumik illersoriaraluarpaa, aaqqissuisuunerlu Jens Grund isumaqarpoq qulimiguulimmik attartornissamut aningaasassaqarsimanngitsoq.
- Pisoqarfimmiikkusussimagaluarpugut. Isumaqarpungami naammattumik samminnilluta, Kalaallit Nunaat ungasittupilussuuvoq. Tassa aviisimi aaqqissuisoqarfimmit Kalaallit Nunaannut ungasigineqarsimavoq.
BT-ikkoormiut nunatsinnukartitsinngikkaluarlutik tassaarsuaqarnera qanimut malinnaaffigaat
- Pisoqarfimmiinnissarput pisariaqarsimavoq naalagaaffeqatigiinnermimi ilaavoq. Ullunilu pineqartuni malinnaaqqissaasimavugut. Kalaallit Nunaanninngaannit nutaarsiassiiniarneq assinillu pissarsiniarneq ajornarsimavoq.
Avannaani tassaarsuaaqarnera danskit tusagassiorfii taama sammivaat.
Danskit tusagassiorfii isornartorsiorai
Naalagaaffeqatigiinneq pillugu oqallisaarisartoq, oqallinnermi Nauja Lynge peqataavoq,
qallunaallu tusagassiorfii sakkortuumik isornartorsiorpai.
Taannami isumaqarpoq, namminersornerulertoqarmalli qallunaat tusagassiorfii nunatsinnut soqutigisaarussimasut.
- Naalagaaffeqatigiinnermi iluamik ataqatigiittoqannginneranut qallunaat tusagassiorfii pisooqataapput
tamannalu nunat avannarliit Danmarkimit avissaarusunnerannik kinguneqarpoq.
Pisut sammineqannginnerat quianaannartoq
Informationimi aaqqissuisuuneq Rune Lykkeberg sakkortulaartumik nipeqarluni oqarpoq, Kalaallit Nunaat pillugu qallunaat tusagassiorfii saqqummiussaqarpiarsimanngitsut.
- Quianaannarpoq nunasiaataanermi pissaaneqarnernermi nammineq nunasiaateqarsimasutut apeqqusiinngilluinnarluni nunasiaateqarsimaneq - tassa taamaappoq.
- Quianaannarpoq nunasiaataanermi pissaaneqarnermi nammineq nunasiaateqarsimasutut apeqqusiinngilluinnarluni nunasiaateqarsimaneq - tassa taamaappoq.
