Ullormut nalunaarut: Angut meeqqamik pinngitsaaleeriarsimasutut tigusarineqartoq
Politiit Aasiannit ippassaq pinngitsaaleeriartoqarsimanera pillugu nalunaaqutaq 15.30 nalunaarfigineqarput.
Angut 70-it missaanni ukiulik meeqqamik pinngitsaaleeriaraluarsimavoq, Kalaallit Nunaanni Politiini sillimasut pisortaat Jørgen Madsen marlunngornerup ullaavani taama oqarpoq.
- Angut tigusarineqarpoq, eqqartuussivimmullu sassartinneqassanersoq iperarneqassanersorluunniit ullumikkut nalilersorneqassaaq, sillimasut pisortaat oqaluttuarpoq.
Angut meerarlu ilaqutariittut politiinit ilisimatitsissutigineqarpoq, qanorli ilaqutariinnerat maannangaaq sukumiinerusumik oqaatigineqarsinnaanngitsoq, sillimasut pisortaat oqarpoq.
Kujavarteraanni - Sisimiunut - biilit ippassaq ullup qeqqa sioqqullugu ajutoorput. Ajoqusertoqanngilaq, atortutigulli ajoqusiisoqarluni, Jørgen Madsen paasissutissiivoq.
