Nunaoilimi siulersuisuugallartussat toqqarneqalerput

Nunaoilimi siulersuisut naluneqanngitsutut tunuarnerisa kingunerisaanik siulersuisuugallartunik toqqaasoqartussanngorpoq. Novembarip tallimaani immikkut ittumik ataatsimeersuaarnermi tamanna pissaaq, ingerlatseqatigiiffiit allattoqarfianni immikkoortortami pisortaq, Rasmus Pedersen taama paasissutissiivoq.
Allattoq Sara K. Jakobsen
oktobarip 29-at 2014 11:57

Nunaoilip ingerlanneqarneranik Naalakkersuisut annikillisaaniarnerat akerleralugu, siulersuisuusimasut oktobarip aallartinnerani tunuarput.

Aamma atuaruk Kim Kielsenip Nunaoilimi eqqissisoqassasoq neriorsuutigaa

Naalakkersuisuugallartut siulersuisuugallartusanik sisamanik, Naminersorlutik Oqartussani atorfilittanik maanna toqqaapput, naalakkersuisunngortussallu inissinneqarnissaasa tungaanut issiagallassallutik.

Aamma atuaruk Sara Olsvig: NunaOil pillugu akissuteqartoqarli

Siulersuisutut ilaasortaagallartussat naalakkersuisoqarfinni sulisuupput, tassaallutillu aqutsisoqarfimi pisortaq Lars Dencker, allaffimmi pisortaq Helga Sofie Jakobsen, immikkortoqarfimi pisortaq Kunuk A. Olsen kiisalu immikkortoqarfimmi pisortaq Lone Nukaaraq Møller. 

Lars Dencker siulittaasuugallassasoq siunnersuutigineqarpoq.

Siulersuisuugallartussat Naalakkersuisoqarfimmi suliartik atorfeqarnerminnut atatillugu suliarisussaammassuk siulersuisuni issiagallarnertik akissarsissutigissanngikkaat, Ingerlatseqatigiiffiit allattoqarfianni immikkoortortami pisortaq, Rasmus Pedersen ilisimatitsivoq.