Kim Kielsenip Nunaoilimi eqqissisoqassasoq neriorsuutigaa
- Malittarisassat malillugit qanoq ittoqassanersoq qulaajaasussaavugut, allaffeqarfiullu tamakku qulaajarpaat. Taavalu piginneqatigiiffimmut malittarisassaat malillugit aamma qulaajariarlugit qanoq inissittoqarnissaa eqqarsaatersuutigineqassaaq, Kim Kielsen KNR-mut taama oqarpoq.
Unioqqutitsisoqarsimanersoq nalornisigineqartoq
Nunaoilsimi siulersuisuunerni siulittaasoq ilaasortat ataaseq minillugu ippassaani atuuffiminniit tunuarput.
Qinersinissamut suaarutiginninnerup aqaguani Nunaoilsimut Naalakkersuisut ingerlatseqatigiiffimmi sulisut affaannanngortinneqarnissaannik kissaateqarlutik paasititsinerat maleruagassaasut malinneqarsimanersut Inuit Ataqatigiinninngaanniit paaserusunneqarpoq.
Taakkua aamma Kim Kielsenimit paaserusuppaat Naalakkersuisut ilannguppallaarsimanersut.
Siulersuisuugallartussanik inissisoqarataannaavoq
Naalakkersuisuugallartoq tamanna pillugu tunuarsimaanngilaq partiinilu siuttuusut ullumikkut tallimanngornermi naapissavai:
- Naatsorsuutigineqassaaq partiininngaanniit apeqqut taanna qaqinneqassasoq, kisianni akissutissaq taannaassaaq: misissugassat misissulaaqqaartigit, malittarisassat qanoq oqariartuuteqarpat qanorli ingerlasoqassava, avatangiisinut pinngortitamullu Naalakkersuisoq Naalakkersuisullu siulittaasorigallagaat, Kim Kielsen taama oqarpoq.
Piffissaq ungasinngitsoq qaangiuppat uuliasiornermik ingerlatseqatigiiffimmi siulersuisuugallartussanik inissiisoqassasoq naatsorsuutigineqarpoq.