Nunanit tamalaanit peqataaffigineqartumik festivalimik illoqarfiit pingaarnersaanni atuakkialerineq sammineqassaaq

Sisamanngorneq septemberip 19-ianiit 22-anut illoqarfiit pingaarnersaanni atuakkialerineq pillugu pisoqartussaassaaq.

Kalaallit Atuakkiortut peqatigiiffiat - Kalaallit Atuakkiortut - kalaallinut atuakkialerituunut qaammaasaqalerusunut pingasunik aaqqissuissaaq. 

Arctic-Nordic Small Languages Writers Festival-imik peqatigiiffiup taasaani illoqarfiit pingaarnersani festivalernermi ulluni pingasuni ingerlanneqartussami atuakkiortunik nunani tamalaaneersunik takkuttoqassaaq.

-Nuannaarutigalugu nalunaarutigisinnaavara festivalernermut soqutiginartorujussuarmik imarisassanik aaqqissuinikuugatta, tassanimi takutinneqarpoq qanoq atuakkialerinermi taalliornermilu ataatsimooraangatta qanoq pigissaartiginersugut peqatigiiffiup siulittaasua oqaluttuarpoq.

Inuiaqatigiinnguit inukitsut - ataatsimoorneq qanigisaqatigiiffiulluartoq

Atuakkiortummi taakku ataatsimoorutigaat oqaatsit atugaat ikittuinnarnit atorneqarnerat.

Juaaka Lyberth Atuakkiortut peqatigiiffianni siulittaasoq oqaluttuarpoq:

-Issittumi nunanilu avannarlerni inuiaqatigiinnguaqarpoq oqaasitoqqaminnik atuisunik 50.000-iinnarnik innuttaqartunik. Atuakkiortut taalliortullu inuiaqatigiinni taakkunani ikittuinnarnik ilitsoqqussaralugu oqaatsinik atuisuiffiusuni ataatsimooruteqarput, tassalu oqaatsit ataavartussaaneri atugaanissaallu piinnarnagit kisiannili aamma atuakkialerinermi taalliornermilu oqaatsit ineriartortuarnissaat qulakkiissallugu.  

Oqaatsinik taakkunaninnga atuisut taamak ikitsigitillugit atuakkiortut saqqummiussisarnerat imminut pingaartinnertut immikkoorluinnartutullu isumaqarfigineqaqqaarsinnaasorianaraluarpoq. Tamannali allaanerusinnaanngilaq.

Tassami atuakkialerinikkut atuakkiortut nunarsuup sinneranut ammaassisarpoq inuiaqatigiinnguanullu inukitsunut taakkulu oqaasiinut ilisarititsilersartoq Juaaka Lybert oqaluttuarpoq:

- Atuakkialerineq sumiiffinni najugaqartunuinnaasuunngilaq, tassami avammut aamma sammiveqartussaavoq. Taamaattumik atuakkiortut aamma tassaapput  nunarsuarmioqataasunut kulturikkut aallartitat oqarpoq nangillunilu:: 

- Tassami atuakkialerinerup inuiaat namminerisaminnik oqaluttuarisaanerminnik. kinaassutsiminnik, piorsarsimassutsiminnik siunissamullu takorluukkaminnik - sutigut tamatigut- assigiinngitsorpassuarnik saqqummersittarpaat.

Isummanik ineriartortitsineq misilittakkanillu paarlaasseqatigiineq 

Akunnerup naanerani fastivaleqaarnerup qamuuna immiilluarnerata kingorna misilittakkanik paarlaaseqatigiinneq qitiutinneqassaaq.

Københavnimi Multimediaskolen peqatigalugu aaqqissuisoqassaaq meeqqanut oqaluttualiorneq pillugu saqqummeeriartsinik assigiinngitsunik workshopeqassaaq.

Tamanna tallimanngorpat Hotel Hans Egedemi pissaaq, aaqqisuussineq danskisut ingerlanneqartussaq oqalutsimik kalaallisuunngortinneqassaaq.

Aqaguani isumasioqatigiinneqassaaq kuturimi suliniaqatigiiffinnit assigiinngitsunit aallartitanit peqataaffigineqartumik, tassanilu misilittakkat suliarisallu saqqummiunneqassapput.

Nunatta Isiginnaaritsisarfia, Avannaamioqatigiit Atuakkialerinermi akissarsitsisartui, Kulturimut naalakkersuisoq Sermersuullu borgmesteria peqataassapput.