27-nik ukiulik Sisimiuni nakuusersimasutut pasineqartoq
27-nik ukiulik 16-inik ukiulimmut sapaatip akunnerata naanerani sakkortuumik nakuusersimasutut pasineqarluni Sisimiuni politiinit tigusarineqarpoq.
Saassussineq sapaammut unnuaani nalunaaqutaq marluk pingasullu akornanni pisoq, Kalaallit Nunaanni Politiit Facebookimi quppernerminni ilisimannittussarsiornerminni marlunngormat saqqummiuppaat.
Ilisimannittup saaffiginninneratigut 27-nik ukiulik tigusarineqarsimanersoq, Sisimiuni politiit oqaatigisinnaannginnerarpaat.
Pinngitsuunerartoq
27-nik ukiulik sakkortuumik nakuusersimasutut pasineqarluni, Qeqqata Eqqartuussisoqarfiani ullaaq sisamanngornermi sassartinneqarpoq, sapaatillu akunnerini sisamani tigummigallagassanngortinneqarluni.
Sisimiuni politikommissæri Karl Jørgen Lennart paasissutissiivoq.
Angut marloriarluni nakuusersimasutut pasineqarpoq, nakuusernerup aappaanut pinngitsuunerarpoq, aappaali nassuerutigalugu.
- Angut sapaatit akunnerini sisamani tigummigallagassanngortinneqarpoq, taamaalillutik politiit suliaq misissuiffigissavaat, Sisimiuni politikommissæri Karl Jørgen Lennart oqarpoq.
16-inik ukiulik saassunneqarnermi kingorna annertuumik ajoqusersimanera pissutigalugu Danmarkimi Rigshospitalimut aallarunneqarpoq.
