Nuna tamakkerlugu perorsaasussaaleqisoqarpoq
Kommuneqarfik Sermersuumi perorsaasussaaleqinerujussuaq kisimi ajornartorsiutaanngilaq. Nunami tamakkerlugu 100-t missiliorlugit amigaatigineqarput.
Kommune Kujallermi perorsaasut 28-t amigaatigineqartut Qeqqata Kommuniani meeraaqqerivinni meeqqerivinnilu 17-t amigaatigineqarput.
AAMMA ATUARUK Pædagogmangel er et stort problem i Kommuneqarfik Sermersooq
Kommuneqarfik Sermersuumi perorsaasutut atorfiit inuttassaqartinneqanngitsut 52-upput.
Taakkua saniatigut Kommuneqarfik Sermersuumi meeqqerinermi isumaginninnermilu ikiortit pingasut atorfissaqartinneqarpata marluinnaat inuttassaqartinneqarput. Kommune Kujalleq Qeqqata Kommunialu meeqqerinermi isumaginninermilu ikiortinik aamma amigaateqarput, qassiunerili oqaatigiumanagit.
AAMMA ATUARUK Perorsaasunik tikisitsisariaqarpugut
Qaasuitsup Kommuniata perorsaasut qassit amigaatiginerlugit oqaatigiumanngilaa.