Nivi Olsen: Kommunit suliatik aaqqiivigisariaqarpaat
Atuarfinnut ataasiakkaanut pitsaassutsimik nalunaarusiorsimanatik, pitsaassutsimullu nalunaarusiat suliarineqarsimasut kommunalbestyrelsinit suliarineqarsimanngitsut, kommunini taakkuani marlunni inatsimik malinnissimanngitsut, KNR sapaatit akunneranni uani oqaluttuarmat Nivi Olsen taama qisuariarpoq.
- Aporfissaasinnaasut pillugit atuarfeqarfiit inernerisaat, atuarfinnilu aqutseriaatsit pillugit kommunimi aqutsisut paasisimasaqarnissaat pingaaruteqartorujussuusoq, Nivi Olsen allappoq.
Aamma atuaruk Pitsaassutsimik nalunaarusiat politikerinut saqqqummiunneqanngillat
Nalunaarusiornissaq inatsisit malillugit atuutilermat kommunit neriorsorneqarsimapput, pitsaassutsimik nalunaarusiorneq qanoq suliarineqartassanersoq ilitsersuunneqassasut. Ilitsersuulli takkutinngisaannarpoq.
- Naalakkersuisoqarfiup nalunngilaa pitsaassutsimik nalunaaruusiornermut ilitsersuummik sanasussaalluni, tamassumalu sukkanerpaamik suliarineqarnissaa ilimagalugu, Nivi Olsen allappoq.
Aamma atuaruk Sulisunik amigateqarneq pissutigalugu nalunaarusiat suliarineqanngillat
Kommuneqarfik Sermersuumi Qeqqatalu Kommuniani kommunalbestyrelsit kommunit atuarfiisa pitsaassutsimik nalunaarusiaat suliarinikuuaat, pisariaqanngitsumillu atuarfinnut pappialarsortitsinerunngitsoq Nivi Olsen allappoq.
- Nalunaarusiaq suliariniaannarlugu sulisoqanngilaq, nalunaarusiarli iluamik atorneqaruni ulluinnarni atuartitsinermi sakkussatut atugassiaavoq, nangillunilu allappoq.
Naalakkersuisoqarfimma kommunit pineqartut attavigissavai sulianillu aaqqiiniaqqullugit.
Aamma atuaruk Atuarfeqarnermut ataatsimiititaliami siullittaasoq pitsanngoriaateqarnissamik neriorsuivoq
Aamma atuaruk Kommune Kujallermi meeqqat atuarfiisa inatsit unioqqutippaat