Navalnyj-p oqaaseqartartuisa ilaat: Inuit 1000-nit ikinnerunngitsut Navalnyj-p ilisaanerani peqataapput

Inuit 1000-nit ikinnerunngitsut Ruslandimi illuatungiliuttut siuttuisa ilaata Aleksej Navalnyj-p Ruslandip illoqarfiisa pingaarnersaanni Msokvami ilisaanerani peqataapput.

Navalnyj-p oqaaseqartartui taama oqartut nutaarsiassaqartitsivik Reuters allappoq.

Navalnyj-p ilisaanerani Navalnyj-p tapersersuisuisa politiillu akornanni aporaattoqaleratarsinnaanera ernummatigineqarsimavoq.

Navalnyj-p ilisaanerata eqqaaniarneqarneratalu kinguartinneqaratarsinnaanera Navalnyj-p oqaaseqartartuisa ilaata Navalnyj-mik ilisisoqalernerani oqaatigaa.

Navalnyjmmi timaa ilaqutaasunut taamanikkut suli tunniunneqarsimanngimmat.

Navalnyjlli timaa ilaqutaasunut tunniunneqarpoq ilisisoqarsinnaalerlunilu.

Navalnyj-p uillarnera Julia Navalnaja uiminut naggataasumik allagaqaateqarpoq, inoqatinut attaveqaqatigiittarfinni assigiinngitsuni saqqummersinneqarluni.

Julia Navalnajali uimi ilisaaneranut atatillugu oqaluffimmi takussaanersoq oqaatigineqanngilaq.