Navalnyjp timaa sapaatit akunnerini marlunni tulliuttuni misissorneqassasoq
Ruslandimi illuatungiliuttuni politikerit ilaata Aleksej Navalnyjp timaa sapaatit akunnerini tulliuttuni marlunni misissorneqassaaq.
Navalnyjp oqaaseqartartua Kira Jarmysj inoqatinut attaveqaqatigiittarfikkut X-ikkut taama allappoq.
Navalnyjp suna toqqutigisimaneraa suli paasineqanngitsoq, Ruslandimi misissuisut Navalnyjp arnaanut eqqartuussissuserisuinullu ataasinngornermi ullaakkut ilisimatitsissutigisimavaat, soorluttaaq toqusumik misissuineq sivitsorneqartoq.
Navalnyjp timaa akoorutissat assigiinngitsut atorlugit misissorneqassasoq, oqaaseqartartuata Kira Jarmysjip ataasinnngornermi ualikkut oqaatigaa:
- Oqaatigeqqissavara: Navalnyjp timaa toqqorneqarpoq toqutsisoqarsimaneranik takussutissat paasineqannginniassammata. Timaata akoorutissat assigiinngitsut atorlugit misissorneqarnissaanik oqarneq salluliorneruvoq asissuinerullunilu, Jarmysj allappoq.
Navalnyjp uillarnerata Julia Navalnajap præsident Vladimir Putin Navalnyjmik toqutsisuunerarpaa.
Navalnyj Ruslandimi illuatungiliuttut akornanni nuimanersaannut ilaavoq.
Navalnyj Sibiriami parnaarussivimmi IK-3-miitsilluni toqusimasoq Ruslandimi parnaarussiveqarnermut oqartussat tallimanngormat nalunaarutigaat. Illuatungiliuttoq taanna ukiorpaalunni tassani parnaarussaaqqasussanngortinnikuuvoq.
