Kigutinik narlorsaaneq ukiumi nutaami neqeroorutaaqqilissasoq
![](/sites/default/files/styles/image_934x467/public/7v9a0113.jpg?itok=KWDROeDG)
Kigutinut narlorsaatilertinnissaq nuna tamakkerlugu 2021-imi neqeroorotaaqqilissaaq.
Isikkorinnissarli pillugu narlorissaasertinnissamut neqerooruteqarnissaq periarfissaanavianngilaq.
Kigutit kukkusumik inissimappata narlorsarneqarnissaat aatsaat neqeroorutaassasoq, peqqissutsimut naalakkersuisoq oqarpoq.
Kigutit kukkusumik inissisimagunik ilaatigut niaqorlutsitsisinnaapput.
AAMMA ATUARUK Naalakkersuisunngorlaaq: Kigutinik nalorsaasarneq neqeroorutaaginnassaaq
- Kigutinut narlorsaatinik katsorsaasarnissamik periarfissaqartoqaqqilernera nuannaarutigaara. Kigutinut narlorsaatinik kikkut katsorsarneqarnissaminnut neqeroorfigitissinnaanerannut atatillugu saqqummiussatsinni oqaatiginikuuarput, meeqqat inuusuttullu kigutaasa atuuffissaraluaminnit kukkusumik inissisimasut katsorsarneqarnissaannik neqerooruteqarnissaq annertunerusumik ukkatarineqarumaartoq.
- Taamaattumik isikkorinnissaq anguniarlugu narlorissartinnissamut neqerooruteqarnissaq periarfissaanavianngilaq, Anna Wangenheim (D) oqarpoq.
Tassalu kigutit equngagaluarpata ajunngitsumilli inissisimallutik, taava narlorsaasertinnissaat neqeroorutigineqarnavianngilaq.
Najukkani kigutilerisut toqqaasassasut
Peqqissutsimut naalakkersuisoq naapertorlugu, narlorsaateqalernissamut qinnuteqartoqarsinnaanavianngilaq.
Najukkami kigutit nakorsaat kigutit nakorsaat immikkut ilisimasalik peqatigalugu narlorsaaserneqarnissamut neqeroorfigineqartussanik toqqaasassaaq.
Narlorissaanermik neqerooruteqaqqittalernissamut piffissamut pilersaarusiaq 2021-p allartinnerani nassiunneqarumaarpoq.
AAMMA ATUARUK Naalakkersuisut Nuummi kigutinik narlorsaasarnerit unitsikkaat
Naalakkersuisut kigutinik Nuummi narlorsaasoqartarunnaarnissaa aalajangeraat, peqqissutsimut naalakkersuisuugaluaq, Martha Abelsenip (S), upernaami nalunaarutigigaluarpaa.
Nunatsinni tamarmi kigutinik narlorsaaneq neqeroorutigineqalissappat, tamanna akisuallaassasoq ilaatigut tunngavilersuutaavoq.
Anna Wangenheim maajip naalernerani naalakkersuisunngorami kigutinik narlorsaaqqittalernissaq neriorsuutigaa.