Naalakkersuisunngorlaaq: Kigutinik nalorsaasarneq neqeroorutaaginnassaaq

Kigutinik narlorsaasoqartarunnaassasoq siullermik aalajangerneqarpoq, Anna Wangenheimilli Nuummi atuutiinnartussanngorpaa.
Anna Wangemheimip kigutimik nalorsaasernissaannut utaqqisut allattorsimaffiat qimerloorniarpaa. Innersuussinermut tunngavigineqartut qimerloorneqartariaqartut, tusagassiorfinnut nalunaarummini allappoq. Toqqorsivimmit assi.
Allattoq Anders Dall
juunip 08-at 2020 15:47
Nutserisoq Hanne Petersen

Nuummi meeqqat inuusuttullu kigutaannik narlorsaasarneq neqeroorutaaginnassaaq. Peqqissutsimut naalakkersuisunngorlaap, Anna Wangenheimip, tusagassiorfinnut nalunarutaa taama erseqqitsigaaq.

Kigutinut narlorsaatillit amerlassusaat:

Nuummi kigutilerisut pisortaata oqarnera naapertorlugu meeqqat kigutinut maanna narlorsaatillit 41-pput, kigutimillu narlorsaasernissaannut utaqqisut 25-ullutik.

Tusarfik: Naalakkersuisut

Nuummi kigutinik nalorsaarsarnerup neqeroorutaaginnaarnissaanut naammattunik aningaasaliissuteqartoq, tusagassiorfinnut nalunaarummini erseqqissarpaa.

- Kalaallit Nunaanni meeqqat kikkulluunniit kigutimik narlorsartinnissaannik pisariaqartitsisut periarfissaqarnissaasa kissaatigineqarneranut isumaqataalluinnarpunga, Anna Wangenheim tusagassiorfinnut nalunaarummini allappoq.

- Nuummili meeqqat inuusuttullu aallarniutigissavagut. Taava nuna tamakkerlugu unammillernartortaata aaqqiiviginissaa kingusinnerusukkut isumagissavarput, Anna Wangenheim ilanngullugu allappoq.

AAMMA ATUARUK Illuatungiliuttut kigutinik narlorsaasoqartarunnaarnera mamiatsaatigigaat

Nuummi kigutinik narlorsaasoqartarunnaarnissaa Naalakkersuisut aalajangeraat, peqqissutsimut naalakkersuisuujunnaaqqammersup, Martha Abelsenip (S), qanittukkut nalunaarutigaa.

Nunatsinni tamarmi kigutinik narlorsaasarneq neqeroorutigineqalissappat, tamanna akisuallaassasoq ilaatigut tunngavilersutaavoq. Taamaammat Nuummi kigutinik narlorsaasoqartarunnaassasoq Naalakkersuisut aalajangerput.

Illuatungiliuttut tamanna isornartorsiorpaat, taakkumi isumaqarput kigutinik narlorsaasarneq nunatsinni tamarmi neqeroorutaalernissaanut aningaasaliissutissarsiortoqartariaqartoq.

Anna Wangenheimip kigutinik narlorsaasoqartarunnaarnissaa akerleriuarsimallugu, tamannalu aaqqiivigilertorusullugu, tusagassiorfinnut nalunaarummini ilisimatitsissutigaa.

Aamma atuaruk